134 mln teńge para – Oral qalasynyń bas qurylysshysyna qatysty is sotqa berildi

ORAL. QazAqparat – Asa iri kólemde para aldy dep aıyptalǵan Oral qalasy qurylys bóliminiń burynǵy basshysy Arman Óksikbaevtiń isi sotqa berildi, dep habarlaıdy QazAqparat tilshisi.

BQO sotynyń baspasóz qyzmeti A.Óksikbaevtiń QR QK 366-baby 4-bóligine (asa iri kólemde para alý) sáıkes qylmystyq isi 11 mamyr kúni sotqa túskenin rastady.

Onyń isi BQO qylmystyq ister jónindegi mamandandyrylǵan aýdanaralyq sotynda qaralatyn bolady.

Eske sala keteıik, budan buryn Oral qalasy qurylys bóliminiń basshysy para aldy degen kúdikpen tergelip jatqanyn jazǵan bolatynbyz.

QR Sybaılas jemqorlyq qarsy is-qımyl agenttiginiń málimeti boıynsha ol 2020 jyldyń qazan aıynan bastap 2021 jyldyń 11 qazanyna deıin «N»-nyń sybaılastyǵy arqyly JShS dırektory «Sh»-dan pandemııa kezeńinde arnaıy tártipti qoldana otyryp, memlekettik satyp alý shartyn jasasýǵa járdem kórsetken. Sondaı-aq Oral qalasynda «Nurly jer» memlekettik baǵdarlamasy boıynsha jalpy somasy 2,2 mlrd teńgeniń 9 qabatty eki turǵyn úıdiń qurylysy boıynsha oryndalǵan jumystardyń aktilerine kedergisiz qol qoıǵany úshin aldyn ala kelisilgen 170 mln teńgeniń 134 mln teńgesin para retinde alǵan.

«Oral qalasy boıynsha qurylys bólimi» MM basshysy jáne azamat «N» QR QPK 128-baby tártibinde ustalyp, Oral qalasynyń ýaqytsha ustaý abaqtysyna qamaýǵa alynǵan bolatyn.