132 myń 800 myńǵa jýyq azamat memlekettik turǵyn úı qorynan páter alý kezeginde tur -N. Tıhonıýk
ASTANA. Qyrkúıektiń 16-sy. QazAqparat /Qanat Mámetqazyuly/ -132 myń 800 myńǵa jýyq azamat memlekettik turǵyn úı qorynan páter alý kezeginde tur.
Búgin QR Parlamenti Májilisinde «Qazaqstan Respýblıkasynyń keıbir zańnamalyq aktilerine turǵyn úı qatynastary máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda Qurylys jáne turǵyn úı kommýnaldyq sharýashylyq isteri agenttigi tóraǵasynyń orynbasary Nıkolaı Tıhonıýk osylaı málim etti.
«Jalpy, qazirgi kúni bizde turǵyn úı kezeginde turǵan baspanaǵa muqtajdardyń sany 132 myń 800 adamdy qurap otyr. Onyń ishinde 81 myń adam - memlekettik qyzmetkerler jáne áleýmettik qorǵalatyn azamattar, 50 195-i - bıýdjettik uıymdardyń qyzmetkerleri, áskerıler jáne basqa da tulǵalar», - dedi N.Tıhonıýk.
Sonymen birge, Agenttik ókili aldaǵy jyldary Turǵyn úı qurylys jınaq júıesi boıynsha belsendi jumystar atqarylatynyn atap ótti. «Bıyldyń ózinde osy júıe boıynsha azamattar baspanaǵa ıe bola bastaıdy. Jalpy, Parlamenttegi bıýdjet jobasynda osy júıege qatysty 20 mlrd. teńge bólý josparlanyp otyr», - dedi N. Tıhonıýk
