1300 jumysshynyń salyǵy tólenbegen: Jambylda 140 mln teńge bıýdjetke qaıtaryldy
ASTANA. KAZINFORM — Jambyl oblysy Talas aýdanynyń prokýratýrasy salyq zańnamasynyń buzylýyn anyqtap, 140 mln teńgeniń tólenýin qamtamasyz etti.
Talas aýdany prokýratýrasy salyq zańnamasynyń saqtalýyna taldaý júrgizdi. Taldaý barysynda aýdandyq kópbeıindi ortalyq aýrýhanasy jáne iri salyq tóleýshi kásiporynmen 2025 jyldyń qyrkúıek-jeltoqsan aılarynda nóldik kórsetkishpen salyqtyq eseptilikti tapsyrý arqyly 1300 jumysshynyń áleýmettik jáne jeke tabys salyqtary bıýdjetke tólenýinen jaltarý deregin anyqtady.
— Talas aýdany prokýratýrasymen engizilgen prokýrorlyq yqpal etý aktisi negizinde zańbuzýshylyqtar joıylyp, memleketke 140 mln teńge salyqtyn tólenýi qamtamasyz etildi. Salyq zańnamasynyń saqtalýy jáne bıýdjettiń ýaqtyly tolyqtyrylýy máseleleri aýdan prokýratýrasynyń erekshe baqylaýynda, — delingen habarlamada.
Buǵan deıin prokýratýra aralasqannan keıin pedagogterge 7,2 mln teńge tólengenin jazǵanbyz.
