1300-ge jýyq qutqarýshy elimizdiń tórt óńirindegi órtpen kúresip jatyr
ASTANA. KAZINFORM — Ótken táýlikte elimizde 22 tabıǵı órt pen janý oqıǵasy tirkeldi. Tótenshe jaǵdaılar mınıstrligi men jergilikti atqarýshy organdardyń kúshimen onyń 17-si sóndirildi.
Mınıstrliktiń málimetinshe, qazir Shyǵys Qazaqstan, Abaı, Aqmola jáne Qaraǵandy oblystarynda 13 tabıǵı órt pen janý oshaǵy baqylaýda.
Órtti sóndirý jumystary taýly jáne dalaly jerlerdiń qoljetimsizdigi, kúrdeli jer bederi, joǵary aýa temperatýrasy men qatty jelge baılanysty qıyndap otyr.
— Órtpen kúreske 1300-ge jýyq adam men 240-tan astam tehnıka jumyldyrylǵan. Mamandar jaǵdaıdy turaqty baqylaýda ustap, aýmaqtardy drondar men «Qazavıaqutqarý» áýe kemeleri arqyly áýeden baqylap jatyr. Negizgi maqsat — órttiń eldi mekenderge, turǵyn úılerge, sharýashylyq nysandary men aýyl sharýashylyǵy alqaptaryna taralýyna jol bermeý. Jaǵdaı TJM baqylaýynda, — delingen habarlamada.
Buǵan deıin Qaraǵandy oblysynda dala órtinen eki adam kúıip qalǵanyn jazdyq.
