13 jeltoqsanǵa arnalǵan aýa raıy boljamy
ASTANA. QazAqparat - 13 jeltoqsan kúni respýblıkanyń basym bóliginde jaýyn-shashynsyz aýa raıy kútiledi. Tek batysta, soltústikte jáne shyǵysta kóbine qar túrinde jaýyn túsedi. Keı jerlerde tuman, kóktaıǵaq, burqasyn jáne jeldiń kúsheıýi kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Ońtústik Qazaqstan, Qyzylorda, Qaraǵandy, Mańǵystaý, Atyraý, Aqtóbe, Qostanaı, Soltústik Qazaqstan, Shyǵys Qazaqstan, Pavlodar, túnde Almaty oblystarynyń keı jerlerinde kóktaıǵaq kútiledi.
Jambyl oblysynyń jekelegen aýmaqtarynda tuman túsip, túnde jeldiń ekpini 15-20 m/s artady.
Batys Qazaqstan oblysynyń keı jerlerinde burqasyn kóterilip, jeldiń jyldamdyǵy 5-20 m/s kúsheıedi.
