13 jeltoqsanda Qazaqstanda ótetin mańyzdy sharalarǵa sholý
NUR-SULTAN
Saǵat 08.00-de Úkimet úıinde QR Úkimetiniń otyrysy ótedi. Kún tártibinde 2019 jyldyń qańtar-qarasha aılaryndaǵy áleýmettik-ekonomıkalyq damý jáne respýblıkalyq bıýdjettiń atqarylý qorytyndysy qaralady.
Saǵat 09.00-de «EKSPO» kongress-ortalyǵynda Qazaqstan Respýblıkasy Prezıdentiniń «Altyn sapa» syılyǵynyń jeńimpaz-laýreattaryn jáne «Qazaqstannyń úzdik taýary» respýblıkalyq baıqaý-kórmesiniń dıplomanttaryn marapattaý rásimi ótedi.
Saǵat 11.00-de Astana Hub Halyqaralyq IT-startaptar tehnoparkinde Astana Hub jedeldetý baǵdarlamasynyń 5 jáne 6 úzdik tehnologııalyq startaperleri óz jobalaryn áleýetti ınvestorlar aldynda qorǵaıdy.
Saǵat 12.20 -de QR Prezıdenti janyndaǵy Ortalyq kommýnıkatsııalar qyzmeti alańynda 2020 jyldyń 1 qańtarynan bastap engiziletin Mindetti áleýmettik medıtsınalyq saqtandyrý júıesine daıyndyq sharalaryna qatysty baspasóz konferentsııasy ótedi. Spıkerler: QR Densaýlyq saqtaý mınıstri Eljan Birtanov.
Saǵat 14.00-de «Januıa» otbasy ınstıtýtyn qoldaý ortalyǵy erekshe qajettilikteri bar adamdarǵa ınvataksı jáne arbalar tabystaý rásimi ótedi.
Saǵat 14.00-de «Aýyl» halyqtyq- demokratııalyq patrıottyq partııasy «Eńbek ozattarynyń IV forýmyn» ótkizedi.
Saǵat 15.00-de QR Qarjy mınıstrliginde «Turaqty damý maqsaty. Qazaqstannyń turaqty damýynda býhgalterlik esep jáne aýdıttiń róli» taqyrybynda dóńgelek ústel ótedi.
ALMATY
Saǵat 10.00-de ál-Farabı atyndaǵy QazUÝ kitaphanasynda «Tájikstan Prezıdentiniń jahandyq máselelerdi sheshýdegi róli: sý - tirshilik kózi» taqyrybynda ǵylymı-praktıkalyq konferentsııa ótedi.
Saǵat 11.00-de Qazaqstan Respýblıkasynyń Ulttyq kitaphanasynda QR halyq jazýshysy, kórnekti memleket jáne qoǵam qaıratkeri, Parlament Májilisiniń tóraǵasy jáne Qazaqstan Respýblıkasynyń memlekettik hatshysy bolǵan Ábish Kekilbaevty eske alý keshi ótedi.
Saǵat 11.00-de Stýdentter saraıynda «TTuńǵyshtar kezeńi» jastar forýmy ótedi. Іs-shara Jastar jylynyń sońynda jáne Eriktiler jyly qarsańynda uıymdastyrylyp otyr. Forým óz salalarynda úzdik bolyp júrgen jastardy marapattap, «V2020» eriktilerdiń respýblıkalyq sletin ashady.
Saǵat 11.30-da Almaty ákimdiginde altynshy shaqyrylymdaǵy Almaty qalasy máslıhatynyń kezekti LVIII sessııasy ótedi.
Saǵat 12.00-de Qazaq onkologııa jáne radıologııa ǵylymı-zertteý ınstıtýtynda alǵashqy Tomosıntez ortalyǵy ashylady. Bul joba Qazaqstan Respýblıkasy Densaýlyq saqtaý mınıstrliginiń Qazaq onkologııa jáne radıologııa ǵylymı-zertteý ınstıtýtymen (QazǴZIIO) birlesip, memlekettik-jeke menshik seriktestik aıasynda (MJÁ) júzege asyrylǵan.
Saǵat 14.00-de CARICC keńsesinde Almaty qalasynyń qazirgi sýdıalary Qaıynjamal Býhbanova men Maral Jarylǵasovanyń qatysýymen sımýlıatsııalyq sot otyrysy ótedi.
Saǵat 14.00-de Atakent Park qonaq úıinde Qazaqstan Respýblıkasynyń Jeńil ónerkásip kásiporyndary qaýymdastyǵy, Qazaqstan Respýblıkasy Investıtsııalar jáne ınfraqurylymdyq damý mınıstrligi, Almaty qalasy ákimdigi, «Atameken» Ulttyq kásipkerler palatasynyń qoldaýymen Qazaqstan Respýblıkasynyń jeńil ónerkásip kásiporyndarynyń forýmy ótedi.