13 jeltoqsan kúni ótetin mańyzdy oqıǵalarǵa sholý
ASTANA
Saǵat 09:45-te Astana qalasy ákiminiń orynbasarynyń, prokýrorlardyń, Astana qalasy ІІD ókilderiniń, sonymen qatar, Bas Prokýratýranyń janyndaǵy quqyqqorǵaý Akademııasynyń jetekshileriniń qatysýymen vedomstvoaralyq otyrys ótedi. Otyrystyń taqyryby - «Jasóspirimderdiń qylmysynyń aldyn alýdy jańartý».
Saǵat 10:00 kezinde Parlament Májilisinde plenarlyq otyrys bastalady.
Saǵat 11:00-de QR Ulttyq ekonomıka mınıstrliginiń Statıstıka komıtetiniń alańynda brıfıng óteti. Shara taqyryby - «QR halqynyń onlaın sanaǵynyń tusaýkeseri». Ótetin oryny: Mınıstrlikter úıi, 9 kireberis.
Saǵat 12:20-da Qazaqstan Respýblıkasynyń eńbek jáne áleýmettik qorǵaý mınıstri Tamara Dúısenovanyń qatysýymen Ortalyq kommýnıkatsııalar qyzmetinde baspasóz máslıhaty ótedi. Mınıstr Qazaqstan Respýblıkasynyń eńbek jáne áleýmettik qorǵaý mınıstrliginiń 2017 jyldyń 11 aıynyń jumys qorytyndysy men 2018 jylǵy josparlar týraly sóz qozǵaıdy.
Saǵat 15:00 kezinde QR mádenıet jáne sport mınıstriniń qatysýymen qoǵamǵa mańyzdy ádebı týyndylardy jetkizý boıynsha vedomstvoaralyq komıssııanyń otyrysy bastalady. Otyrysqa Parlament Májilisiniń depýtattary Murat Baqtııaruly, Beıbit Mamraev, Din isteri jáne azamattyq qoǵam vıtse-mınıstri Abzal Núkenov, Aqparat jáne kommýnıkatsııalar vıtse-mınıstri Alan Ájibaev, QR Bilim jáne ǵylym vıtse-mınıstri Ashan Aımaǵambetov qatysady. Otyrystyń ótetin oryny: Mınıstrlikter úıi. 15 kireberis, 303 kabınet.
Saǵat 16:00-de Ulttyq Akademııalyq kitaphanada QR Mádenıt jáne sport mınıstri Arystanbek Muhamedıulynyń tóraǵalyq etýimen týrızm boıynsha Keńestiń otyrysy bastalady. Keńes jumysynyń basty maqsaty týrızmdi damytý boıynsha usynystardy ázirleý, eldegi týrızmdi órkendetýge baǵyttalǵan memlekettik organdardyń jumysyn úılestirý bolyp tabylady.
Dál osy ýaqytta Nazarbaev ortalyǵynda respýblıkalyq dástúrli «Altyn tobylǵy» baıqaýynyń jeńimpazdary marapattalady. Baıqaýdy QR Tuńǵysh Prezıdent Qory Qazaqstan Jazýshylar Odaǵymen, Memlekettik tildi damytý Qorymen birlese otyryp uıymdastyrǵan.
ALMATY
Saǵat 09:00-de «RahatPalace» qonaq úıinde QR Ulttyq ekonomıka mınıstrligi «Atameken» ulttyq palatasymen birge bıznes ókilderi men sheteldik ókilder úshin arnaıy bıznes-forým ótkizedi. Bıznes-forým aıasynda amerıkalyq tarap tyń tehnologııalardyń tusaýkeserin ótkizbek. Sharaǵa Qyrǵyzstan, Tájikstan, Túrikmenstan, Ózbekstan jáne AQSh elderiniń ekonomıka, saýda jóninde jaýapty vıtse-mınıstrleri qatysady. Qazaqstandyq delegatsııany QR Ulttyq ekonomıka vıtse-mınıstri Baýyrjan Bekeshov bastaıdy.
Saǵat 10:00-de «Almaty Towers» bıznes-ortalyǵynda KASE-tiń dástúrli medıa-brıfıngi uıymdastyrylady. Jıynda Qazaqstannyń bırjalyq naryǵyndaǵy statıstıkalyq aqparat jarııalanady.
Saǵat 10:00-de «Ǵylym Ordasy» Ulttyq kitaphanasynda Sh.Ýálıhanov atyndaǵy tarıh jáne etnologııa ınstıtýtynyń dırektory, professor Zııabek Qabyldınovtyń «Astana tarıhy» atty kitabynyń tusaýkeseri ótedi.
Saǵat 11:00-de «Parasat» kásipodaǵynda «Sybaılas jemqorlyqqa qarsy kúreste jastar uıymynyń róli» taqyrybynda shara bastalady.
Saǵat 13:00-de áleýmettik jobalar úshin IV qazaqstandyq baıqaýdyń jeńimpazdarynyń marapattaýy uıymdastyrylady. Sharanyń ótetin oryny: SmArt.Point (Baızaqov kóshesi 280), 2 qabat, amfıteatr.
Saǵat 15:00-de Almaty qalasynyń aımaqtyq kommýnıkatsııalar qyzmetinde áleýmettik-ekonomıkalyq damý kórsetkishteri boıynsha baspasóz máslıhaty bastalady. Bostandyq aýdanynyń ákimi Bekqalı Torǵaev aýdan aýmaǵynda «Rýhanı jańǵyrý» baǵdarlamasy qalaı júzege asyrylyp jatqany týraly baıandaıdy.
Saǵat 16:00 kezinde Á.Qasteev atyndaǵy memlekettik óner mýzeıinde «Qazaqstan kelbeti» atty ǵylymı katalogtyń saltanatty tusaýkeseri ótedi.
AQTÓBE OBLYSY
QR Táýelsizdigi kúni qarsańynda oblys ákimi Berdibek Saparbaev birqatar saltanatty sharalarǵa qatysady. Atap aıtqanda, Mártók aýdanynyń Saryjar orta mektebin, «Symbat» mektep-ınternaty men Q.Jubanov atyndaǵy AÓMÝ-diń stýdentter jataqhanasyn ashý josparlanǵan.
OŃTÚSTІK QAZAQSTAN OBLYSY
OQO Arys qalasyna arnaıy baspasóz týry uıymdastyrylady. Onda tilshiler 800 basqa arnalǵan «Qazyna jer Ltd» JShS iri taýarly sút fermasynyń jumysymen tanysatyn bolady. «QazAgro» ulttyq holdınginiń jelisi boıynsha Ulttyq qordyń esebinen qarjylandyrylǵan ınvestıtsııalyq joba Kanada, Ýkraına jáne Qazaqstannan asyl tuqymdy saýyndy mal basyn satyp alý arqyly eki kezeń boıynsha iske asyrylǵan. Atalǵan joba jemshóp óndirisin damytý sheńberinde qarjylandyrylǵan.
