13 jastaǵy qyzyn pyshaqtaǵan áıel qamaýǵa alyndy
QOSTANAI. QazAqparat - Sot óz balasyna pyshaq salǵan 32 jastaǵy áıeldi qamaýǵa alýdy sanktsııalady, dep habarlaıdy QazAqparat tilshisi.
Atalǵan is boıynsha QR QK 24-baby 3-bóligi jáne 99-baby 1-bóligimen («Adam óltirýge oqtalý») sotqa deıingi tergeý sharalary júrgizilgen.
«Sot kúdiktige qatysty qamaýǵa alýdy sanktsııalady. Atalǵan fakt endi QR QK 106-baby «Densaýlyqqa qasaqana aýyr zııan keltirý» boıynsha qaralady», - dep habarlady oblystyq ІІD baspasóz qyzmeti.
Eske salsaq, Qostanaılyq 32 jastaǵy áıel mas kúıinde 13 jasar qyzyna pyshaq saldy. Al oblystyq balalar aýrýhanasynyń bas dárigeriniń mindetin atqarýshy Igor Belobrjıtskııdiń aıtýynsha, qazir bala jan saqtaý bóliminen hırýrgııalyq bólimge kóshirildi.
«Balanyń densaýlyǵy birqalypty. Alaıda, oǵan kútim kerek. Ekinshi jaǵynan, ol psıhologııalyq soqqy aldy. Onyń janynda týǵan aǵasy qaraılasyp otyr», - dedi dáriger.
