13 jastaǵy bala kólik apatyna jol bermeı, 15 adamdy qutqaryp qaldy
ASTANA. 11 sáýir. QazAqparat - Vashıngtonda 13 jasar jasóspirim júrgizýshi kenetten esinen tanyp qalǵanda, mektep avtobýsyn ózi toqtatyp, synyptastaryn apattan aman alyp qaldy, dep habarlady ITAR-TASS.
Kóliktiń júrgizýshisi mektepke bara jatqan jolda qozǵalys ústinde esinen tanyp qalǵan. 13 jastaǵy Djeremı Vıtshık júrgizýshiden rýldi qolynan tartyp alyp, amerıkan astanasynyń turǵyn úı aýdandarynyń birinde qatty jyldamdyqpen kele jatqan avtobýsty toqtatyp úlgerdi.
Mektep oqýshysynyń aıtýynsha, kózi alaryp, oryndyqqa shalqaıyp qımylsyz qalǵan júrgizýshiniń ómiri úshin qatty qoryqqan.
Avtobýsty toqtatyp, Vıtshık dostaryna jedel járdem shaqyrtqan. Kýágerlerdiń aıtýynsha, ol ózin sabyrly ustaǵan.
Al onyń dosy jetinshi synyp oqýshysy Djonnı Výd júrgizýshiniń júregine massaj jasap, alǵashqy dárigerlik járdem kórsetken.
Vashıngton ókimet oryndary júrgizýshiniń Qasıetti Frensıs aýrýhanasyna aýyr hálde jetkizilgenin habarlady.
- Djeremı jas ta bolsa, úlken erlik kórsetti, - deıdi polıtsııa ofıtseri Bıll Roýds. - Ol naǵyz batyrlarsha qımyldady, taıaýdaǵy ýaqytta oǵan aqshalaı syıaqy beriledi».
