13 jastaǵy aqtaýlyq fýtbolshylar Túrkııadaǵy halyqaralyq týrnırdiń qola júldesine talasýda
ALMATY. 30 naýryz. QazAqparat - Búgin Túrkııanyń Antalııa qalasynda fýtboldan ótip jatqan «Túrik demalystary» halyqaralyq týrnırinde 2000 jylǵy jasóspirimderdiń aqtyq oıyndary ótedi.
Onda qazaqstandyq úsh komanda 3-6 oryndarǵa talasýda. Atap aıtqanda, Aqtaýdyń «Kaspıı» komandasy Reseıdiń Máskeý qalasynyń «FShM» komandasymen 3-shi oryn úshin talasýda. Olar Reseıdiń Krasnodar qalasynyń №5 daryndy balalarǵa arnalǵan balalar men jasóspirimder sport mektebiniń oqýshylarymen shırek fınalda oıynnyń negizgi ýaqytynda 1:1 esebimen teń túsip, penaltı arqyly 3:1 bolyp basym túsken bolatyn. Alaıda jartylaı synda Másekeýdiń «Torpedosyna» dál osyndaı jaǵdaıda ese jiberdi.
Al Almaty qalasynyń №2 daryndy balalarǵa arnalǵan balalar men jasóspirimder sport mektebi men «Qaırat» fýtbol klýbynyń jas oıynshylary 5-shi oryndy sarapqa salýda. №2 mekteptiń aıaqdopshylary shırek fınalda Reseıdiń Máskeý oblysynyń «Mastr-Satýrn» komandasyna 1:2 bolyp utylyp, jartylaı synda Máskeý qalasynyń «Akademııa Strogına» komandasyn 2:0 etip utqan bolatyn. «Qaırattyqtar bolsa máskeýlik «Torpedoǵa» 2:3 esebimen utylyp, krasnodarlyq №5 mekteptiń oqýshylaryn 3:2 esebimen jeńgen edi. «Master-Satýrn» men «Torpedo» bolsa endi birinshi oryn úshin ózara kúsh synasaýda.
