13 jasar Zara Dárken Eýropa reıtınginiń úzdik otyzdyǵyna endi
NUR-SULTAN. QazAqparat – 13 jastaǵy qazaqstandyq Zara Dárken Eýropalyq tennıs federatsııasynyń 14 jasqa deıingi oıynshylar arasyndaǵy reıtınginde 30-orynǵa kóterildi, dep habarlaıdy QazAqparat.
Olympic.kz saıtynyń málimetinshe, Z.Dárken birden 60 pozıtsııaǵa joǵarylap, 30-orynǵa turaqtady.
Mundaı orynǵa jas sportshy ET (Eýropa tennısi) serııasyndaǵy týrnırlerde sátti óner kórsetkennen keıin laıyqtaldy. Olardyń birinde sportshy qyz chempıon bolsa, al ekinshisinde fınalǵa jetti. Tennis Park Open by Head týrnırinde ol ýkraınalyq Elızaveta Kotlıarǵa jol berdi. Aıta ketý kerek, Zara — Eýropa tennısiniń TOP-30 jasóspirimder reıtıngindegi eń jas tennısshilerdiń biri.
Zara Dárken – Aqtóbe qalasyndaǵy tennıs ortalyǵynyń tárbıelenýshisi.
