13 jasar Zańǵar Nurlanuly Eýropa reıtıngisinde bes aı boıy kósh bastap tur
NUR-SULTAN. QazAqparat - Qazaqstandyq Zańǵar Nurlanuly 14 jasqa deıingiler arasynda Eýropa reıtıngisinde bes aı boıy kósh bastap keledi, dep habarlaıdy QazAqparat tilshisi.
Qazaqstan tennıs federatsııasy málim etkendeı, Tennis Europe uıymy Monte-Karlo qalasynda bıyl kúzde ótetin Junior Masters jarysyna oraı jańartylǵan reıtıngti jarııa etti.
Qazaqstandyq Zańǵar Nurlanuly 520 upaımen birinshi orynda tur.
Damır Jalǵasbaı 42-den 34-orynǵa joǵarylady. Taǵy bir qazaqstandyq Danıel Tazabekov 44-satyǵa jaıǵasty.
Qyzdar arasynda Sofıa Isakova úzdik júzdikke endi. Eva Korysheva 560-tan birden 328-orynǵa kóterildi.
Eske sala keteıik, budan buryn Elena Rybakınanyń Rolan Garros ekinshi aınalymǵa shyqqanyn jazǵan bolatynbyz.
Sondaı-aq qazaqstandyq tennısshiler Rolan Garros týrnırinde alǵashqy kezdesýlerin sátti ótkizdi.
