13 jasar Aıarý Altynbek shahmattan oqýshylar arasynda álem chempıony atandy
ASTANA. KAZINFORM — Perý astanasy Lıma qalasynda klassıkalyq shahmattan oqýshylar arasynda álem chempıonatynda astanalyq Aıarý Altynbek altyn medaldi jeńip aldy.
Elordadaǵy № 9 «Zerde» mamandandyrylǵan mektebiniń oqýshysy A.Altynbek 13 jasqa deıingiler arasynda jarystyń aıaqtalýyna bir týr qalǵanda, merziminen buryn jeńimpaz atandy.
Eń joǵary reıtıngilik upaıy (1868) bar shahmatshy sońǵy týrdy da sátti aıaqtap, 9 partııadan 8,5 upaı jınady.
Sóıtip kúmis júldegerden 1,5 upaıǵa uzap ketti.
Aıarý qazirgi kezde grossmeıster Anton Fılıppovpen birge jattyǵady.
Qostanaı qalasy № 3 mektep-gımnazııasynyń oqýshysy Iman Nábıev (1636, reıtıng boıynsha № 8) 9 jasqa deıingiler arasynda qola júldege ıe boldy.
Dáýlet Jaqanovtyń shákirti aqpan aıynan beri belorýssııalyq grossmeıster Sergeı Azarovtyń qolastynda jattyǵady.
Kúmis júldegermen birdeı 7,5 upaı jınaǵan Iman oǵan qosymsha kórsetkishter boıynsha ǵana jol berdi.
Qalǵan eki qazaqstandyq shahmatshy medal úshin básekege túse alǵan joq.
Almatylyq Adelıa Ospanova (1745) 17 jasqa deıingiler arasynda 5,5 upaımen 13-oryndy qanaǵat tutty.
Al eki jyl buryn Panamada 7 jasqa deıingiler arasynda qola medal alǵan astanalyq, 9 jasar Taılan Hatı (1420) bul joly 17-satyda qalyp qoıdy.
Ol jarysty jaqsy bastady: 2-týrda qara tastarmen oınaǵan Taılan reıtıng kóshbasshysy (1855) kanadalyq Ellıot Makkallýmdy utty.
Álemdik jarysqa Perý, Qazaqstan, Ekvador, Bolıvııa, Meksıka, Kolýmbııa jáne Mońǵolııany qosqanda, 26 elden 1174 jas shahmatshydan ótinish túsken.
