13 jarym tonnadan astam júkti zańsyz ákele jatqan júrgizýshi ustaldy
ASTANA. QazAqparat - Aqtóbe shekara otrıadynyń «Álimbet avto» kóliktik-shekaralyq baqylaý bólimshesinde (Qazaqstan - Reseı shekarasy) búgin túngi saǵat 2-ler shamasynda KamAZ avtokóligimen Reseıden bizdiń elge qaraı salmaǵy 720 kg «Sý ótkizbeıtin sýyq bıtýmdy mastıka», 1440 kg. «Jabyndylyq mastıka», 1440 kg. «Sý ótkizbeıtin (gıdroızolıatsııalyq) mastıka», 6384 kg. «Ýnıfleks», 3588 kg. «Ýnıfleks TKP» júgin zańsyz ákele jatqan 1977 jyly týǵan Qazaqstan azamaty ustaldy.
Bul azamattyń isin quqyq qorǵaý organdary Qazaqstan Respýblıkasy Qylmys kodeksiniń 197-babynyń 1-bólimi (Munaıdyń jáne munaı ónimderiniń shyǵarylý zańdylyǵyn rastaıtyn qujattarsyz olardy tasymaldaý, ıemdený, ótkizý, saqtaý, sondaı-aq munaıdy qaıta óńdeý) boıynsha qarastyratyn bolady, dep habarlaıdy QR UQK ShQ baspasóz qyzmeti.
