13 ul men qyzyn úıde ash qamap otyrǵan ata-ana ustaldy
ASTANA. QazAqparat - AQSh-tyń Perrıs qalasynda (Kalıfornııa shtaty) quqyq qorǵaý organdarynyń qyzmetkerleri 2-29 jas aralyǵyndaǵy 13 ul-qyzyn qamap otyrǵan erli-zaıyptyny ustady. Bul týraly Rıversaıd okrýginiń sherıfine silteme jasap TASS habarlaıdy.
Jeksenbi kúni polıtsııaǵa habarlasqan 17 jastaǵy qyz, ata-anasy ózimen qosa taǵy 12 baýyryn kúshtep úıde ustap otyrǵanyn aıtady. Qyzdyń sózine qaraǵanda, olardyń keıbiri kisendeýli bolǵan.
57 jastaǵy Devıd Allen Terpın men 49 jastaǵy Lýız Anna Terpın polıtsııaǵa nelikten óz balalaryn úı qamaqta ustaǵanyn túsindirip bere almaǵan.
Bılik ókilderiniń málimetterine qaraǵanda, kámeletke tolmaǵan bes «tutqyn» men 18-29 jastar aralyǵyndaǵy jeteý, sondaı-aq polıtsııaǵa habarlasqan 17 jastaǵy qyz las bólmede ashtyqtan azap shekken. Olar qazir aýrýhanada jatyr.
Terpınderge qatysty tergep-tekserý júrgizilip jatyr. Daýly iske balalar quqyǵyn qorǵaý qyzmetkerleri aralasýda.
