13 túrli dándi daqyldan órilgen «Erekshe kıiz úı» kórermen nazaryna usynylady
ASTANA. 21 naýryz. QazAqparat - 22 naýryzda elorda ákimdigi aldyndaǵy alańda S.Seıfýllın atyndaǵy Qazaq agrotehnıkalyq ýnıversıtetiniń aqshańqan úıinde «Erekshe kıiz úı» atty eksklıýzı vti is-shara ótedi.
«Dándi-daqyldarmen kómkerilgen kıiz úı alǵash ret kórermen nazaryna usynylyp otyr. Qazaqstanda ósiriletin 13 túrli dándi daqyldardy jınaqtap, qoldan jasalǵan (!) kıiz úıdiń jalpy aýmaǵy (dıametri) 55 sm. Bul Ýnıversıtettiń 55 jyldyq mereıtoıymen baılanysty. Al 13 túrli dándi-daqyldyń tańdalýy Astana qalasynyń 13 jyldyǵy, ıaǵnı alǵashqy múshel jasyna sáıkes alynǵan», - delingen bilim ordasynyń baspasóz habarlamasynda.
Kıiz úıdi qondyrǵan tuǵyrdyń eni 57 sm bolsa, uzyndyǵy 70 sm-di quraıdy. Bul jerde 57 sany 1957 jyly qurylǵan ýnıversıtet tarıhynyń betteri bastalǵan merzimdi bildiredi. Al 70 sm qazaqtyń kıeli sany 7-men baılanysty.
