1,3 trln teńgeden asatyn 128 salyq jeńildigin alyp tastaý usynyldy – Kodeks jobasy

ASTANA. KAZINFORM – Qoldanystaǵy 453 salyq jeńildiginiń 128-i alynyp tastalýy múmkin. Májiliste Salyq kodeksiniń jańa redaktsııasyn tanystyrǵan Premer-mınıstrdiń orynbasary – Ulttyq ekonomıka mınıstri Serik Jumanǵarın osyndaı derek keltirdi.

- Biz salyq jeńildikterin ońtaılandyramyz. Salyq deklaratsııalarynyń derekteri boıynsha somasy 3,4 trln teńgeni qamtıtyn 453 norma jeńildik dep tanyldy. Búgingi tańda somasy 1,3 trln teńgeden asatyn 128 salyq jeńildigin alyp tastaý usynylyp otyr, - dedi vıtse-premer.

Serik Jumanǵarın Úkimet bul máselede ashyq jańa júıe quryp jatqanyn eske saldy.

- Biz salyqtyq jeńildik týraly túsinik beremiz. Jeńildikterdi berý, uzartý, qysqartý sharttaryn belgileımiz. Jyl saıyn olardyń tıimdiligine monıtorıng júrgiziletin bolady, - dedi ol.

Aıta ketý kerek, Salyq kodeksiniń jańa redaktsııasynda QQS salynatyn aınalymnyń tómengi shegin 40 mln teńge dep belgileý usynylyp otyr.