13 táýlik boıy orbıtadaǵy saparda bolǵan Qytaılyq ǵaryshkerler Jerge oraldy
ASTANA. 30 maýsym. QazAqparat - 13 táýlik boıy orbıtadaǵy saparda bolǵan Qytaılyq ǵaryshkerler Jerge oraldy, dep habarlaıdy caspionet.kz.
Úsh ǵaryshker otyrǵan kapsýla josparlanǵan ýaqytta Іshki Monǵolııa aımaǵynda sátti qonǵan.
Arasynda tuńǵysh qytaılyq ǵaryshker-áıel, Lıý ıAn bolǵan ekıpaj ǵaryshta birqatar ǵylymı tájirıbeler ótkizip, Qytaı tarıhynda alǵash ret orbıtadaǵy modýlmen túıisken. Jalpy sońǵy kezde Qytaıdyń ǵarysh baǵdarlamasy qarqyndy damyp keledi. 2003 jyly Qytaı alǵash ret ǵaryshqa óz adamyn ushyryp, Keńes Odaǵy men AQSh-tan keıin, ǵaryshkerleri bar kemelerdi óz kúshimen ǵaryshqa shyǵarǵan úshinshi elge aınalǵan. Al 2020 jylǵa deıin ǵaryshta óz stansasyn salýdy kózdep otyr. Sol mezgilge deıin AQSh, Reseı, Japonııa men eýropalyq elder qoldanyp júrgen Halyqaralyq ǵarysh stansasynyń jumys merzimi de bitedi. Eger onyń ornyn ózge stansa aýystyrmasa, Qytaı ǵaryshta turaqty negizde isteıtin jalǵyz elge aınalady.
