13 tamyzda úsh qalada aýa sapasy nasharlaıdy
NUR-SULTAN. QazAqparat – «Qazgıdromet» RMK 13 tamyz kúngi elimiz qalalaryndaǵy meteorologııalyq ahýal týraly aıtty, dep habarlaıdy QazAqparat.
«13 tamyzda aýa sapasy 3 qalada –Balqash, Shymkent jáne Temirtaýda nasharlaıtyny kútilýde», - delingen habarlamada. Elimizdiń ózge shaharlarynda meteojaǵdaı qalypty bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
