13 tamyzda «Jastar kerýeni» jol tartady
QR Aqparat jáne qoǵamdyq mınıstrliginiń qoldaýymen bastaý alǵan «Jastar kerýeni» jobasyna qatysýshylardy irikteý kezeńi ótip jatyr. Qazaqstan jastar kongresiniń atqarýshy dırektory Toqtar Bolysovtyń aıtýynsha, konkýrs nátıjesi 25 shildede belgili bolady.
Іrikteýden ótken jastar 12 tamyz kúni Nur-Sultan qalasynda otandyq estrada juldyzdarynyń qatysýymen slet ótkizip, erteńinde 7 baǵyt boıynsha saparǵa attanady.
Aqmola, Almaty, Qaraǵandy, Pavlodar, Oral, Óskemen, Shymkent qalalaryna jol tartqan belsendi jastar 4 kún boıy 7 óńirdiń týrıstik nysandary men kıeli oryndaryn aralap, alǵan áserlerin áleýmettik jelige jarııalaıtyn bolady. Uıymdastyrýshylar osy arqyly jastar arasynda ishki týrızmdi damytýǵa atsalyspaqshy.
«Jastar – qoǵamnyń qozǵaýshy kúshi, Áleýmettik jelide belsendi jastar týrızm salasynda trendter qalyptastyryp otyr. Sondyqtan, ár baǵytqa jastarmen birge blogerler barady. Jastar solar bólisken aqparat arqyly elimizdiń týrıstik áleýeti joǵary óńirler týraly tolyqqandy aqparat alatyn bolady», - deıdi Toqtar Bolysov.
Onyń aıtýynsha, týrıstik kerýen sońynda oǵan qatysýshylar ózderi aıaq basqan oryndardaǵy ınfraqurylymdyq máseler boıynsha tıimdi usynystar berýi tıis.
«Qazirdiń ózinde myńnan astam usynys tústi. Shildeniń aıaǵyna deıin olardyń sany 2 000-ǵa jetedi dep oılap otyrmyz. Іrikteýden ótken jastar sapar sońynda óz usynystaryn beredi. Ony jınaqtap tıisti memlekettik organdarǵa joldaımyz. ıAǵnı, jastar aqysyz qydyryp qana qaıtpaı, jer-jerdegi týrızm ınfraqurylymyn qalaı sheshý kerektigi jóninde óz usynystaryn aıtatyn bolady», - dedi ol.
QR Aqparat jáne qoǵamdyq damý mınıstrligine qarasty Jastar jáne otbasy isteri komıteti tóraǵasynyń orynbasary Shahmardan Baımanovtyń aıtýynsha, bul shara da Jastar jyly qarsańynda uıymdastyrylyp otyr.
«Bıyl elimizde jasta jyly» jarııalanýyna baılanysty 89 baǵyt boıynsha jobalardyń jol kartasy daıyndalǵan bolatyn. Sonyń ishindegi eń iri jobanyń biri osy «Jastar kerýeni», - dedi mnıstrlik ókili.
