13 tamyz. Týǵan kún ıeleri
ESІMDER
83 jyl buryn (1935-1978) jazýshy, aýdarmashy, Qazaqstan Jazýshylar odaǵynyń múshesi JANUZAQOV Telman dúnıege keldi.
Almaty oblysy Raıymbek aýdany Narynqol aýylynda týǵan. S.M.Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıtetin) bitirgen.
Eńbek jolyn 1965 jyly «Lenınshil jas» (qazirgi «Jas Alash) gazetiniń ádebı qyzmetkeri bolyp bastady. Osy gazette bólim meńgerýshisi, bas redaktordyń orynbasary, 1967-1971 jyldary «Pravda» gazetiniń Qazaqstandaǵy tilshisi, 1972-1974 jyldary eki tilde shyǵatyn «Ara» jýrnalynyń bas redaktory, 1974 jyldan ómiriniń sońǵy kúnderine deıin «Qazaqfılm» kınostýdııasy dırektorynyń orynbasary, dırektory, Qazaqstan Kınematografıster odaǵynyń ekinshi hatshysy qyzmetterin atqarǵan.
«Radı jıznı na zemle», «Olımpııskıı fakel», «Azamattar» atty kitaptardyń avtory. Shveıtsar jazýshysy F.Dıýremattyń «Sot pen jendet» povesin, Amerıka jazýshysy F.Kýperdiń «Mogıkannyń sońǵy tuıaǵy», A.Tolstoıdyń «Injener Garınniń gıperbloıdy» romandaryn qazaq tiline tárjimalady.
Onyń esimi Almaty oblysy Raıymbek aýdanynyń Narynqol aýylyndaǵy orta mektepke berilgen.
77 jyl buryn (1941) belgili fılolog-ǵalym, fılologııa ǵylymdarynyń kandıdaty, qoǵam qaıratkeri, «Memlekettik tilge qurmet» qoǵamdyq birlestiginiń tóraıymy, «Memlekettik til» respýblıkalyq qozǵalysy tóraǵasynyń orynbasary, Almaty oblystyq ázerbaıjan mádenıet ortalyǵynyń tóraıymy, Qazaqstan halqy Assambleıasynyń múshesi, Almaty oblysynyń jáne Túrkistan oblysyndaǵy Túlkibas aýdannyń qurmetti azamaty OSMAN Asyly Álıqyzy dúnıege keldi.
Grýzııada týǵan. Qazaq memlekettik qyzdar pedagogıkalyq ınstıtýtyn, QazKSR Ǵylym akademııasy Til bilimi ınstıtýtynyń aspırantýrasyn bitirgen. 1969-1993 jyldary - QazKSR Ǵylym Akademııasy Til bilimi ınstıtýtynyń aspıranty, kishi, aǵa ǵylymı qyzmetkeri. 1993-1997 jyldary - QR Til komıtetiniń, QR ult saıasaty jónindegi memlekettik komıtetiniń bólim bastyǵy, basqarma bastyǵy. «Turan» Ázerbaıjan mádenı ortalyǵynyń vıtse-prezıdenti boldy. 1997 jyldan zeınet demalysynda.
«Parasat», ekinshi dárejeli «Dostyq» ordenderimen marapattalǵan.
67 jyl buryn (1951) Qazaqstannyń halyq sýretshisi, QazKSR Memlekettik syılyǵynyń laýreaty QOJAHMETOV Reshat Faıyzrahmanuly dúnıege keldi.
Almaty qalasynda týǵan. Qazaqstannyń Halyq sýretshisi, QazKSR Memlekettik syılyǵynyń laýreaty. Máskeý sáýlet ınstıtýtynyń «Qala qurylysy» fakýltetin bitirgen (1976), sáýletshi. Jumystary «Uly Jibek joly» kórmesinde (Tashkent , Ózbekstan, 1996); Halyqaralyq dekoratıvtik jáne qoldanbaly óner baıqaýynda (Islamabad , Pákstan, 1997); Halyqaralyq dekoratıvtik jáne qoldanbaly óner kórmesinde (Pekın, Qytaı, 1997); Kaır Halyqaralyq keramıka bıennalesinde (Kaır , Mysyr, 1998, 2002); Máskeý halyqaralyq salonynda (1998); Gold-Cost International Ceramic Art Award (Gold-Kost, Avstralııa, 1999, 2000); «Keramıka óneriniń aldyńǵy qatary» kollektsııasynyń kórmesinde (Japonııa, 2000-2001); Halyqaralyq keramıka kórmesinde (Carouge, Shveıtsarııa, 2001); Keramika Sisak 1700 Halyqaralyq keramıka kórmesinde (Zagreb , Horvatııa, 2003); 23-shi Gold-Cost International Ceramic Art Award (Gold-Kost , Avstralııa, 2004); 5-shi Cheongju International Craft Competition (Koreıa, 2007); Halyqaralyq qazirgi zaman óneri kermesinde (Nıý-Iork , Icosahedron galereıasy, shilde, 2008); European Prize for Applied Arts halyqaralyq kermesinde, Mons (Belgııa, 2009, 2010) qoıylǵan. Almaty qalasynyń túrli galereıalarynda 7 jeke kórmesin ótkizgen. Týyndylary Ulttyq Qazirgi zamanǵy óner ortalyǵynda (Kaır , Egıpet); Shigaraki Keramıka mádenıet parkiniń qorynda (Japonııa); Á. Qasteev atyndaǵy Memlekettik óner murajaıynda qoıylǵan. 1976 jyldan «Qazjoljoba» jobalaý ınstıtýtynyń jetekshi sáýletshisi. 1978 jyldan QazKSR Kórkemsýret qory «Óner» kerkemsýret kombınatynyń sáýletshi-dızaıneri, sýretshi-monýmentshisi. 1990 jyldan tek zamanaýı keramıka baǵytynda ǵana jumys isteıdi.
2000 jyly 3 aıdyń ishinde Halyqaralyq keramıka ortalyǵynda jumys istegen (Shigaraki Ceramic Cultural Park, Japonııa). 2009 jyly 2 aıdyń ishinde A.I.R.-da (Artist International Residence) Vallauris jumys istep, keıinnen Aqui Siam Ben galereıasynda (Frantsııa) kórmesin ótkizgen. QR Sýretshiler odaǵynyń múshesi (1988 jyldan), World Crafts Council-Europe múshesi (1997 jyldan). Halyqaralyq dekoratıvti jáne qoldanbaly óner baıqaýynyń keramıka salasyndaǵy І júldesiniń ıegeri (Islamabad , Pákistan, 1997). 4-shi Kaır Halyqaralyq keramıka bıennalesiniń medalimen jáne dıplomymen (Kaır ,Egıpet, 1998); Keramika Sisak 1700 Halyqaralyq keramıka kórmesiniń kúmis medalimen (Zagreb , Horvatııa, 2003) marapattalǵan.
53 jyl buryn (1965) QR densaýlyq saqtaý vıtse-mınıstri AQTAEVA Lázzat Meırashqyzy dúnıege keldi.
Taldyqorǵan oblysy (qazirgi - Almaty oblysy) Aqsý aýdanynyń Aqsý aýylynda týǵan.
Almaty medıtsına ýnıversıtetin «emdeý isi, akýsher-gınekolog» mamandyǵy boıynsha; Qazaqstan Respýblıkasy Prezıdenti janyndaǵy Memlekettik basqarý akademııasyn «memlekettik basqarý, memlekettik qyzmet menedjeri» mamandyǵy boıynsha bitirdi. Japonııada, Túrkııada, Vengrııada, Ulybrıtanııada, Qazaqstanda oqydy. Akýsher-gınekolog dáriger, Almaty medıtsına ınstıtýtynda akýsherııa jáne gınekologııa kafedrasynyń assıstenti, Almaty qalasynyń densaýlyq saqtaý basqarmasy bastyǵynyń orynbasary, Astana qalasy densaýlyq saqtaý basqarmasy bastyǵynyń orynbasary, «Ulttyq medıtsınalyq holdıng» AQ departament dırektory, atqarýshy dırektor, Basqarma tóraǵasynyń orynbasary, Almaty dárigerlerdiń bilimin jetildirý ınstıtýty fılıalynyń akýsherııa jáne gınekologııa kýrsy bar qoǵamdyq densaýlyq jáne densaýlyq saqtaý kafedrasynyń meńgerýshisi, Qazaqstan Respýblıkasy Densaýlyq saqtaý mınıstrliginiń Densaýlyq saqtaýdy damytý respýblıkalyq ortalyǵynyń densaýlyq saqtaý qyzmetterin damytý ortalyǵynyń basshysy, «Densaýlyq qalasy» JShS medıtsına dırektory, dıagnostıkalyq klınıkasynyń dırektory, «Almaty menedjment ýnıversıteti» UBM «Densaýlyq saqtaýdaǵy menedjment» baǵdarlamasynyń basshysy, Qazaqstan Respýbıkasy Densaýlyq saqtaý jáne áleýmettik damý mınıstrliginiń Medıtsınalyq qyzmetterdi standarttaý departamentiniń dırektory, Qazaqstan Respýblıkasy Densaýlyq saqtaý mınıstrliginiń Akýsherııa, gınekologııa jáne perınatologııa ǵylymı ortalyǵy dırektorynyń orynbasary, dırektory laýazymdarynda jumys istedi. Medıtsına ǵylymynyń doktory, «qoǵamdyq densaýlyq saqtaý/áleýmettik gıgıena jáne densaýlyq saqtaýdy uıymdastyrý» mamandyǵy boıynsha joǵary bilikti sanattaǵy dáriger.
2017 jylǵy 28 aqpannan bastap Qazaqstan Respýblıkasynyń Densaýlyq saqtaý vıtse-mınıstri bolyp taǵaıyndaldy.
51 jyl buryn (1967) «RTRK «Qazaqstan» «Qazaqstan-Oral» telearnasynyń dırektory ǴUBAShEV Asylanbek Zınnatuly dúnıege keldi.
BQO- nyń Nursaı aýylynda dúnıege kelgen. Qazaq Memlekettik
ýnıversıtetiniń jýrnalıstıka fakýltetin (1984-1989), «Eýrazııa» tilder jáne menedjment akademııasyn (2006-2008) bitirgen. Mamandyǵy: jýrnalıst, memlekettik jáne jergilikti basqarý menedjeri.
1989 jyly BQO teleradıokomıtetiniń redaktory jumysyna qabyldandy. Keıin aǵa redaktor, qazaq habarlary redaktsııasynyń bas redaktory bolyp jumys istegen. 2001 jyldan fılıal dırektory.
Birneshe derekti fılmderdiń avtory.
Ol «Eren eńbegi úshin» memlekettik medalimen, «Qazaqstan Respýblıkasynyń táýelsizdigine 10 jyl» merekelik, «Qazaqstan Respýblıkasynyń Konstıtýtsııasyna 10 jyl» merekelik medaldarymen nagradtalǵan. Qazaqstan halqy Assambleıasynyń «Birlik» altyn medalimen jáne QR Tótenshe Jaǵdaılar Mınıstrliginiń «Qutqarý operatsııalaryna belsendi qatysqany úshin» tósbelgisimen marapattalǵan.
50 jyl buryn (1968) Qazaqstan Respýblıkasy Mádenıet jáne sport vıtse-mınıstri QOJAǴAPANOV Erlan Toqtarhanuly dúnıege kelgen.
Almaty oblysynda týǵan. 1992 jyly Qaraǵandy memlekettik ýnıversıtetin ekonomıst, 1999 jyly - Almaty memlekettik ýnıversıtetin qarjyger mamandyǵy boıynsha támamdady. 2006 jyly RF Memlekettik Keden komıtetiniń Reseı Keden akademııasyn zańger mamandyǵy boıynsha bitirgen.
Eńbek jolyn 1987 jyly bastaǵan.
1990-1994 jyldary kásipkerlik qyzmetpen aınalysqan.
1994-2007 jyldary memlekettik organdar men kásiporyndarda jumys istegen.
2007-2013 jyldary Astana qalasy ákiminiń orynbasary qyzmetin atqardy.
2013-2016 jyldary QR sport jáne dene shynyqtyrý isteri agenttiginiń tóraǵasy, QR Fýtbol federatsııasynyń prezıdenti bolyp istegen.
2016-2017 jyldary QR Premer-Mınıstriniń keńesshisi qyzmetin atqarǵan.
2 dárejeli «Aıbyn» ordenimen, «Qurmet» ordenimen marapattalǵan.
Qazirgi qyzmetinde - 2017 jyldan beri.
37 jyl buryn (1981) «Damý» kásipkerlikti damytý qory» AQ basqarmasynyń tóraǵasy SARQULOV Abaı Serikuly dúnıege keldi.
Q.Jubanov atyndaǵy Aqtóbe memlekettik ýnıversıtetin «Bank isi» mamandyǵy boıynsha bitirgen.
Eńbek jolyn 2003 jyly bank salasynda valıýtalyq operatsııalar jónindegi menedjerlikten bastaǵan. 2006-2007 jyldary «Alma-Ata» Halyqaralyq banki» AQ fılıaly dırektorynyń orynbasary mindetin atqarǵan. 2007 jyldan bastap «Qazaqstannyń Damý Banki» AQ qyzmet atqardy. QDB-de jobalarǵa nesıe berý departamentiniń menedjeri, bas menedjer, basqarma bastyǵy, Jobalyq dırektsııa basshysynyń orynbasary jáne Jobalyq dırektsııa basshysy, Basqarýshy dırektor qyzmetterin atqardy. 2014 jyldyń shildesinen bastap «QDB-Lızıng» AQ-nyń Dırektorlar keńesiniń múshesi. 2016-2017 jyldary - Qazaqstannyń Damý Banki basqarma tóraǵasynyń orynbasary. Qazirgi qyzmetinde 2017 jyldyń aqpan aıynan beri.
25 jyl buryn (1993) Aýyr atletıka boıynsha 2016 jylǵy Olımpıada chempıony RAHIMOV Nıjat dúnıege keldi.
Baký qalasynda týǵan.
2010 jyldyń mamyr aıynda Valensııada (Ispanııa) ótken jastar arasyndaǵy Eýropa chempıonatyna irikteý týrynda 290 keli kóterip, birinshi oryn aldy.
2010 jyly 17 tamyzda jastar arasynda Sıngapýrda ótken jazǵy Olımpıada oıyndarynyń jeńimpazy atandy. Nıjattyń bapkeri eki dúrkin álem chempıony Nızamı Pashaev bolǵan.
2013 jyly Rahımov Qazandaǵy jazǵy Ýnıversıadada Ázerbaıjannyń namysyn qorǵap, Ázerbaıjan quramasynyń týyn kóterip shyqty. Sol jyly Perýdegi jasóspirimder chempıonatynda ekinshi oryn aldy.
2013 jyldyń jazynda dopıngke tekserý kezinde 18 ázerbaıjandyq shtangashy sporttan shettetildi.
2014 jyldyń jazynda Nıjat Rahımov Qazaqstan azamattyǵyn qabyldap, el quramasynyń sapynda jarysqa qatysýǵa kelisim berdi.
Eki jyldyq sporttan shettetý merzimi bitken soń, Rahımov Qazaqstan quramasy sapynda 85 kelige deıingi dárejede Qytaıǵa jarysqa baryp, tórtinshi oryn aldy.
2015 jyly qarasha aıynda Hıýstonda ótken álem chempıonatynda úzdik nátıje kórsetip, Qazaqstanǵa jeńis syılady.
2016 jyly Rıo-de-Janeıroda ótken Olımpıada oıyndarynda julqa kóterýde 214 kelini baǵyndyryp, álemdik rekordty jańartty.
119 jyl buryn (1899-1980) aǵylshyn jáne amerıkan kınorejısseri HIChKOK Alfred dúnıege keldi.
92 jyl buryn (1926-2016) HH ǵasyrda álemdik arenadaǵy eń tanymal saıası qaıratkerlerdiń biri bolǵan Kýbanyń revolıýtsııalyq, memlekettik, saıası jáne partııa qaıratkeri, komandante, 1976-2008 jyldardaǵy Kýba Memlekettik Keńesiniń tóraǵasy Fıdel Kastro RÝS dúnıege keldi.