13 shildede el aýmaǵynda eki orman órti tirkeldi

Óńirler boıynsha:

• Jetisý oblysynda — bir órt;
• Pavlodar oblysynda — bir órt.

Ekologııa mınıstrliginiń málimetinshe, órt oshaqtary «Qazavıaormanqorǵaý» RMQK-nyń áýe patrýldeýi barysynda jáne erte anyqtaý júıeleri arqyly der kezinde anyqtalyp, jedel áreket etý nátıjesinde qysqa ýaqyt ishinde oqshaýlandy.

Órtti sóndirý jumystaryna memlekettik orman kúzetiniń qyzmetkerleri, «Qazavıaormanqorǵaý» RMQK-nyń áýe órt sóndirý desanttary, Qazaqstan Respýblıkasy Ulttyq qaýipsizdik komıtetiniń tikushaǵy, arnaıy tehnıkalar men TJD-niń qyzmetkerleri jáne tehnıkasy jumyldyryldy.

Eske salaıyq, buǵan deıin 10 shilde kúni Qazaqstannyń memlekettik orman qory aýmaǵynda tórt orman órti tirkelgenin habarlaǵanbyz.