Erteń 39°C-qa deıin kún ysyp, el óńirlerinde shańdy daýyl soǵady

Astanada kúndiz aptap ystyq bolyp, aýa temperatýrasy +35…+39°C-qa deıin kóteriledi. Joǵary órt qaýpi saqtalady.

Almatyda kúndiz ótkinshi jańbyr men naızaǵaı kútiledi. Іle Alataýynyń taýlarynda tańerteń jáne kúndiz de ótkinshi jańbyr jaýyp, naızaǵaı oınaıdy.

Shymkentte kúndiz jeldiń ekpini 15–20 m/s-qa deıin kúsheıedi. Joǵary órt qaýpi saqtalady.

Aqmola oblysynyń batysynda, soltústiginde jáne ońtústiginde kúndiz jańbyr men naızaǵaı kútiledi. Jeldiń ekpini 15–20 m/s-qa jetedi. Kókshetaýda da jańbyr men naızaǵaı bolady.

Almaty oblysynyń taýly aýdandarynda tańerteń jáne kúndiz ótkinshi jańbyr men naızaǵaı kútiledi. Oblystyń shyǵysynda jel 15–20 m/s-qa deıin kúsheıedi. Soltústiginde tótenshe, al batysy, shyǵysy jáne ortalyǵynda joǵary órt qaýpi saqtalady. Qonaevta da joǵary órt qaýpi kútiledi.

Qostanaı oblysynyń batysynda, soltústiginde jáne shyǵysynda jańbyr, naızaǵaı, burshaq jáne daýyl bolady. Jeldiń ekpini 15–20 m/s-qa jetedi. Ońtústigi men ortalyǵynda joǵary órt qaýpi saqtalady. Qostanaı qalasynda jańbyr, naızaǵaı, kúndiz burshaq pen daýyl kútiledi.

Soltústik Qazaqstan oblysynyń soltústigi men shyǵysynda túnde azdaǵan jańbyr men naızaǵaı bolady. Kúndiz soltústiginde, shyǵysynda jáne ońtústiginde jańbyr, naızaǵaı, burshaq jáne daýyl kútiledi. Batysy men soltústiginde túnde jáne tańerteń tuman túsýi múmkin. Jel 15–20 m/s-qa deıin kúsheıedi. Kúndiz +35…+36°C aptap ystyq bolady. Shyǵysy men ońtústiginde joǵary órt qaýpi saqtalady. Petropavlda túnde azdaǵan jańbyr men naızaǵaı, kúndiz jańbyr, naızaǵaı jáne burshaq kútiledi, tuman bolýy múmkin.

Aqtóbe oblysynyń soltústik-shyǵysynda azdaǵan jańbyr men naızaǵaı kútiledi. Oblystyń soltústiginde, ońtústiginde jáne ortalyǵynda jeldiń ekpini 15–20 m/s-qa jetedi. Ońtústigi men shyǵysynda tótenshe, batysynda joǵary órt qaýpi saqtalady. Aqtóbede kúndiz jel 15 m/s-qa deıin kúsheıedi.

Mańǵystaý oblysynyń soltústik-batysynda túnde azdaǵan jańbyr men naızaǵaı bolady. Kúndiz batysy men soltústiginde jańbyr men naızaǵaı kútiledi. Jeldiń ekpini 15–18 m/s-qa jetedi. Soltústiginde, shyǵysynda jáne ortalyǵynda joǵary órt qaýpi saqtalady.

Ulytaý oblysynda joǵary órt qaýpi bar.

Qaraǵandy oblysynyń ońtústiginde jáne shyǵysynda joǵary, al soltústigi men batysynda tótenshe órt qaýpi saqtalady.

Túrkistan oblysynyń batysynda, soltústiginde, taýly jáne taý bókterindegi aýdandarynda jel 15–20 m/s-qa deıin kúsheıedi. Oblys boıynsha joǵary, al batysy, soltústigi, ońtústigi men ortalyǵynda tótenshe órt qaýpi saqtalady. Túrkistan qalasynda da jel kúsheıip, tótenshe órt qaýpi saqtalady.

Qyzylorda oblysynyń soltústiginde kúndiz shańdy daýyl kútiledi. Jel 15–20 m/s-qa deıin kúsheıedi. Oblys boıynsha joǵary, al ortalyǵy, ońtústigi men shyǵysynda tótenshe órt qaýpi saqtalady. Qyzylorda qalasynda tótenshe órt qaýpi bar.

Batys Qazaqstan oblysynyń batysynda, soltústiginde jáne ońtústiginde kúndiz jańbyr, naızaǵaı, burshaq jáne daýyl bolady. Kúndiz +35…+38°C aptap ystyq saqtalady. Ońtústik-batysynda joǵary órt qaýpi kútiledi. Oralda da jańbyr, naızaǵaı, burshaq jáne daýyl boljanady.

Shyǵys Qazaqstan oblysynyń soltústigi men shyǵysynda kúndiz naızaǵaı kútiledi. Jeldiń ekpini 15–20 m/s-qa jetedi. Soltústigi men ońtústiginde joǵary, soltústik-batysy, ońtústik-shyǵysy jáne ortalyǵynda tótenshe órt qaýpi saqtalady. Óskemende tótenshe órt qaýpi bar.

Atyraý oblysynyń soltústigi men shyǵysynda kúndiz jańbyr men naızaǵaı kútiledi. Ońtústiginde túnde jáne tańerteń tuman bolýy múmkin. Jel 15–18 m/s-qa deıin kúsheıedi. Batysy men ońtústik-shyǵysynda joǵary órt qaýpi saqtalady.

Abaı oblysynda kúndiz jeldiń ekpini 15–20 m/s-qa jetedi. Ońtústik-batysy men ortalyǵynda joǵary, al soltústigi men ońtústik-shyǵysynda tótenshe órt qaýpi saqtalady.

Pavlodar oblysynyń soltústiginde kúndiz azdaǵan jańbyr men naızaǵaı kútiledi. Batysy men shyǵysynda joǵary, ońtústik-shyǵysynda tótenshe órt qaýpi saqtalady.

Jambyl oblysynyń taýly aýdandarynda kúndiz ótkinshi jańbyr men naızaǵaı bolady. Soltústik-shyǵysynda shańdy daýyl kútiledi. Jeldiń ekpini 15–20 m/s-qa jetedi. Oblys boıynsha joǵary, al batysy men soltústiginde tótenshe órt qaýpi saqtalady. Tarazda joǵary órt qaýpi bar.

Jetisý oblysynyń taýly aýdandarynda kúndiz ótkinshi jańbyr men naızaǵaı kútiledi. Shyǵysynda, ońtústiginde jáne taýly aýdandarynda jel 15–20 m/s-qa deıin kúsheıedi. Batysy men ortalyǵynda joǵary órt qaýpi saqtalady. Taldyqorǵanda da joǵary órt qaýpi saqtalady.

Osyǵan deıin búgin Almaty jáne Qostanaı, Atyraý qalalarynda aýa sapasy nasharlaıtynyn jazǵan edik.