13 shildeden bastap «Qazaqstan» arnasynan «Qutqarýshy» atty jańa telehıkaıa kórsetile bastaıdy
ASTANA. 11 shilde. QazAqparat - 13 shildeden bastap ár senbi-jeksenbi saıyn «Qazaqstan» ulttyq telearnasynan «Qutqarýshy» atty otandyq telehıkaıa kórermenderge jol tartpaq. Bul týraly búgin QR TJM Respýblıkalyq daǵdarys ortalyǵynda ótken baspasóz máslıhatynda «Qazaqstan» telearnasynyń dırektory Іlııas Ysqaqov málim etti.
Kórkem telehıkaıanyń sıýjeti «ekshn» janrynda jáne shynaıy oqıǵalar negizinde túsirilgen. Joba QR Tótenshe jaǵdaılar mınıstrligi bólimderi qutqarýshylarynyń kúndelikti ómirine arnalǵan.
«Bul TJM qyzmeti týraly Qazaqstanda túsirilgen tuńǵysh fılm. Oǵan tek kásibı akterler ǵana emes, sonymen qatar, qutqarýshylardyń ózderi de tústi», - dep atap ótti І. Ysqaqov.
«Túsirý jumystary ońaı bolǵan joq. Biz teńiz deńgeıinen 3,5 myń metr bıiktikte jumys istedik. Túsirý tobynyń keıbir músheleri ol jerge bara almaı qaldy. Biz olarǵa esh renjimeımiz, sebebi ol jerdegi qysym shynymen de tym joǵary boldy. Biz oqıǵanyń barynsha shynaıy túsirilgenin qaladyq», - dep atap ótti qoıýshy rejısser, akter Toqtar Qarsaqbaev.
12 bólimnen turatyn telehıkaıa 13 shilde kúni saǵat 12:50-den bastap kórermenge jol tartady.
