13 shildede el aýmaǵynyń basym bóliginde jel turyp, jańbyr jaýady
NUR-SULTAN. QazAqparat – Qazgıdromet 13 shildege arnalǵan aýa raıy boljamyn jarııalady, dep habarlaıdy QazAqparat.
Ońtústik Kaspıı tsıklonynyń áserinen respýblıkanyń basym bóliginde aýa raıy qubylmaly bolady, jańbyr jaýady, naızaǵaı jarqyldaıdy. Eldiń soltústiginde, soltústik-shyǵysynda jáne ortalyǵynda nóser jańbyr jaýady. Tek ońtústik-batys pen batysta jaýyn-shashynsyz aýa raıy kútiledi. Respýblıka boıynsha keı jerlerde daýyl, burshaq, jeldiń kúsheıýi, ońtústik jáne ońtústik-batysta shańdy daýyl kútiledi, soltústik-batysta jáne ortalyqta tuman túsedi.
Soltústik Qazaqstan, Aqmola oblystarynyń keı jerlerinde burshaq, daýyl turýy yqtımal, jel túnde keı jerlerde 15-20 m/s, kúndiz 15-20, ekpini 23-28 m/s kúsheıedi. Tańerteń jáne kúndiz Túrkistan oblysynyń keı jerlerinde shańdy daýyl kútiledi, jel 15-20, tańerteń jáne kúndiz ekpini 25 m/s jetedi.
Jambyl oblysynyń keı jerlerinde burshaq kútiledi, jel 15-20, tańerteń jáne kúndiz ekpini 23-28 m/s kúsheıedi. Almaty oblysynyń taýly aýdandarynda kúndiz burshaq túsýi múmkin, keı jerlerinde jel 15-20, ekpini 25 m/s-ke deıin kúsheıedi.
Qostanaı oblysynyń keı jerlerinde tuman túsedi, kúndiz basym bóliginde jel turyp, 15-20 m/s jetedi.
Mańǵystaý, Qyzylorda oblystarynyń keı jerlerinde jel 15-20 m/s kúsheıedi, shańdy daýyl kútiledi, Qyzylorda oblysynyń túnde jáne tańerteń keı jerlerinde daýyl turýy yqtımal.
Pavlodar, Qaraǵandy oblystarynyń keı jerlerinde burshaq, daýyl kútiledi, jel 15-20 m/s kúsheıedi, Qaraǵandy oblysynyń túnde keı jerlerinde tuman kútiledi.
Shyǵys Qazaqstan oblysynyń, kúndiz Aqtóbe oblysynyń keı jerlerinde jel 15-20 m/s kúsheıedi.
Kúndiz Almaty oblysynyń keı jerlerinde aptap ystyq bolady.
Qyzylorda, Túrkistan, Mańǵystaý, Atyraý, Jambyl oblystarynyń basym bóliginde, Almaty, Aqtóbe, Batys Qazaqstan, Qaraǵandy oblystarynyń keı jerlerinde órt qaýpi saqtalady.
Eske sala ketsek, Qazaqstannyń toǵyz oblysynda aýa raıyna baılanysty eskertý jarııalandy.
