13 shilde kúni Qazaqstannyń basym bóliginde qatty ystyq bolady -Qazgıdromet
ASTANA. QazAqparat - 13 shilde kúni Qazaqstannyń soltústik, soltústik-batysynda jáne ońtústik-batysynda turaqsyz aýa raıy saqtalady, keı jerlerde naızaǵaıly jańbyr jaýyp, jel kúsheıedi. Qazaqstannyń qalǵan terrıtorııasynda aýa raıy jaýyn-shashynsyz bolady.
Bul týraly Qazgıdromet habarlady. Aqmola, Batys Qazaqstan, Soltústik Qazaqstan oblystarynyń, kúndiz Pavlodar oblysynyń keı jerlerinde naızaǵaı baqylanady, jel 15-20 m/s kúsheıedi, túnde jáne tańerteń Soltústik Qazaqstan oblysynyń keı jerlerinde tuman baıqalady. Mańǵystaý oblysynyń keı jerlerinde naızaǵaı baqylanady, kúndiz jel 15-20 m/s kúsheıedi. Aqtóbe oblysynyń keı jerlerinde jel 15-20 m/s kúsheıedi. Qostanaı oblysynda túnde keı jerlerinde, kúndiz basym bóliginde jeldiń ekpini 15-20 m/s kúsheıedi, túnde jekelegen aýdandarynda naızaǵaı baqylanady. Almaty, Jambyl, Ońtústik Qazaqstan, Qyzylorda, Pavlodar, Qaraǵandy oblystarynda, Aqmola, Qostanaı oblystarynyń keı jerlerinde kúndiz qatty ystyq kútiledi. Aqtóbe, Qyzylorda, Ońtústik Qazaqstan, Jambyl oblystarynyń basym bóliginde, Atyraý, Batys Qazaqstan, Qaraǵandy, Almaty, Shyǵys Qazaqstan oblystarynyń keı jerlerinde óte joǵary órt qaýpi saqtalady.
