13-shi Shandýn kórmesi: Qazaqstandyq agrarshylar jańa tehnologııalarmen tanysty
ASTANA. QazAqparat - Qazaqstandyq bıznesmender Qytaıda ótken 13-shi Halyqaralyq aýylsharýashylyq mashınalary kórmesinde osy saladaǵy yntymaqtastyqty damytý múmkindigine ıe boldy.
14 adamnan quralǵan qazaqstandyq bıznesmender delegatsııasynyń kórmege qatysýyn «Qazaqstan-Qytaı saýdaǵa járdemdesý qaýymdastyǵy» ZTB uıymdastyrdy.
Qazaqstannan barǵan delegatsııany ıAnchjoý aımaǵyndaǵy Tszının qalasynyń Kompartııa hatshysy Van Hýnveı qarsy alyp, qazaqstandyq kásipkerlerdi ıAnchjoý ónerkásiptik aımaǵymen tanystyrdy.
Artynsha kásipkerler Qytaıdyń aýylsharýashylyq tehnıkalaryn, qurylys tehnıkalarynyń qosalqy bólshekterin shyǵarýǵa mamandanǵan birneshe kompanııasyn aralady.
Bıyl Shandýn kórmesi aýylsharýashylyq tehnıkasy taqyrybyna arnaldy. Shandýn provıntsııasy qarjylandyrǵan «Jasyl ıntellekt jáne ınnovatsııalar» atty jıynda aýyl sharýashylyǵynyń alýan túrli tehnıkalary tanystyryldy. Shara barysynda qazaqstandyq kásipkerler aýylsharýashylyq mashınalaryn jasaý, topyraq óńdeý salalaryndaǵy sońǵy jetistikterdi kórdi.
Kórme birneshe bólikten turdy. Máselen, aýylsharýashylyq qondyrǵylarynyń «aqyldy» bóliginde aqparat óńdeýdiń ıntellektýaldyq aýylsharýashylyq tehnologııasy, qashyqtyqtan baqylaý tehnologııasy jáne geologııalyq aqparattyq júıe, ıntellektýaldyq qurylǵylar, aýylsharýashylyq ınternet-tehnologııalary jáne spýtnıktik navıgatsııalyq qurylǵylar kórsetildi.
«Qytaı Halyq Respýblıkasy men Qazaqstan Respýblıkasy jalpy ekonomıka turǵysynan da, agroónerkásip keshenin damytýdyń naqty máseleleri turǵysynan da mańyzdy strategııalyq áriptester bolyp tabylady. Aýyl sharýashylyǵy ónimderin óńdeý men damytýǵa ınvestıtsııa tartý boıynsha QR jáne QHR arasyndaǵy yntymaqtastyqtyń mańyzdy ekendigin QR Prezıdenti Nursultan Nazarbaev pen QHR Tóraǵasy Sı Tszınpın 2017 jyly Astanadaǵy kezdesý aıasynda qadap aıtqan bolatyn.
Biregeı tabıǵat-klımattyq múmkindikteri bar, ulan-ǵaıyr aýmaqqa ıe Qazaqstan bolashaqta aýylsharýashylyq ónimderin shyǵarý jáne óńdeý salasynda álemniń kóshbasshysyna aınalýy múmkin. Ol úshin ne qajet? Dáıekti agrarlyq saıasat jáne strategııalyq ınvestorlardy jumyldyrý qajet. Bul máselede Qytaı is júzinde qoldaý kórsetýi múmkin», - deıdi «Qazaqstan-Qytaı saýdaǵa járdemdesý qaýymdastyǵy» ZTB basqarma tóraǵasy Beısek Qanat.
Sondaı-aq kórmede egin orý mashınalary, sýarý qondyrǵylary, ósimdikterdi qorǵaýǵa arnalǵan qurylǵylar, dala jumystaryn basqarýdyń jańa tehnologııalary da jurttyń nazaryn aýdardy.
«Ekijaqty kezdesýler nátıjesinde Qazaqstannyń «Azam-KS» JShS men Qytaıdyń «JINAN BODOR CNC MACHINE» kompanııalary arasynda metall kesetin lazerlik qondyrǵyny jetkizý boıynsha kelisimge qol jetkizildi. Sondaı-aq «Qazaqstan-Qytaı saýdaǵa járdemdesý qaýymdastyǵy» men «ıAnchjoý óńiriniń Tszının qalasy Halyq úkimeti» arasynda memorandýmǵa qol qoıyldy», - deıdi delegatsııa basshysy, «Qazaqstan-Qytaı saýdaǵa járdemdesý qaýymdastyǵy» ZTB basqarma tóraǵasynyń orynbasary J. Ybyraev.
Eske sala keteıik, Qytaıda 8 myńǵa jýyq kásiporyn aýyl sharýashylyǵyna mamandanǵan 3 myń túrli mashınalardy shyǵarady, olar álemniń 211 eli men óńirine eksporttalady.
Shandýn provıntsııasy - Qytaıdyń aýyl sharýashylyǵyna mamandanǵan eń iri óńiri. Munda aýylsharýashylyq tehnıkalaryn shyǵaratyn 2 myń kásiporyn shoǵyrlanǵan. Óńirdiń 2016 jylǵy mashınajasaý eksporty 200 mln AQSh dollaryn qurady.
