13 saıys túri boıynsha Ulttyq sport túrlerinen ІV festıval bastaldy (FOTO)
ASTANA. QazAqparat - 14 qazanda Qyzylorda qalasynda Qazaq handyǵynyń 550 jyldyǵyna jáne Qazaqstan halqy Assambleıasynyń 20 jyldyǵyna arnalǵan ulttyq sport túrlerinen ІV festıval bastaldy, dep habarlanǵan Ulttyq sport túrleri qaýymdastyǵynyń saıtynda.
Festıval sporttyń 13 túrinen ótedi. Sharanyń ashylý saltanaty 16 qazanda saǵat 17:00-ge josparlanyp otyr.
Ulttyq sport oıyndarynyń ótetin orny men baǵdarlamasy tómendegideı:
Qazaq kúresi - «Eýrazııa» sport kesheninde; Toǵyzqumalyq - «Muz aıdyny» sport kesheninde; Asyq atý - «Nursát» tennıs ortalyǵynda; At sport túrleri: kókpar, teńge ilý, aýdaryspaq - atshabarda; Báıge túrleri: qunan báıge (7 shaqyrymdyq), alaman báıge (25 shaqyrymdyq), top báıge (16 shaqyrymdyq) - atshabarda; Jamby atý - atshabarda; Qusbegilik - atshabarda; «Keremet sáıgúlik» baıqaýy - atshabarda; «Sándi kıiz úı» baıqaýy - ortalyq alańda ótedi.
Festıvaldyń alǵashqy saıysy kókpar oıynymen bastaldy. Oǵan Astana, Almaty qalalary men oblystardan 14 komanda qatysýda. Jerebe boıynsha komandalar 4 topqa bólinip, toptyq kezeńderde básekege túsýde.
14 qazanda alǵashqy bolyp saıysqa Jambyl oblysynyń komandasymen Aqmola jigitteri saıysty. Daıyndyǵy kúshti jambyldyqtar soltústik kókparshylaryn ońaı eńserdi. Qalǵan komandalar esebi tómendegideı:
1. Jambyl obl. - Aqmola obl.- 10:4 2. Aqtóbe obl. - Almaty q .- 0:6 3. ShQO - Atyraý obl.- 1:2 4. Qaraǵandy obl. - Almaty obl .-1:5 5. Astana q. - Mańǵystaý obl.- 1:5 6. OQO - SQO - 9:2
Aldaǵy kúnderge oıyndar kestesi:
15.10.2015 j.
9.00-10.00 Jambyl obl.- Aqtóbe obl. 10.00-11.00 Aqmola obl. - Almaty q. 11.00-12.00 ShQO - Qaraǵandy obl. 12.00-13.00 Atyraý obl.-Almaty obl. 13.00-14.00 Astana q. - Qyzylorda obl. 14.00-15.00 OQO-BQO
16.10.2015 j.
9.00-10.00 Jambyl obl.- Almaty q. 10.00-11.00 Aqtóbe obl. - Aqmola q. 11.00-12.00 ShQO - Almaty obl. 12.00-13.00 Qaraǵandy obl.- Atyraý obl. 13.00-14.00 Qyzylorda obl. - Mańǵystaý obl. 14.00-15.00 BQO-SQO
Eske salaıyq, dúbirli dodaǵa Astana, Almaty qalalary men barlyq oblystardan 2000-ǵa jýyq sportshy qatysady.
(Sýretter Laýra Kenjebekqyzynyń jeke paraqshasynan alyndy)
