13 oblysta sý tasqyny qaýpi joǵary
ASTANA. QazAqparat – Elimizdiń 13 oblysynda sý tasqyny qaýpi joǵary. Bul týraly Ekologııa jáne tabıǵı resýrstar vıtse-mınıstri Ǵalıdolla Azıdýllın aıtty, dep habarlaıdy QazAqparat tilshisi.
«Aldyn ala boljamǵa sáıkes naýryz aıynda respýblıkanyń basym bóliginde aýa temperatýrasy klımattyq normaǵa jaqyn bolady. Batys óńirlerde 1°S normadan joǵary, al eldiń soltústik-shyǵys, ortalyǵynda jáne ońtústik aımaqtardyń soltústiginde 1°S normadan tómen. Naýryz aıynda jaýyn-shashyn mólsheri respýblıkanyń basym bóliginde normadan tómen, Soltústik Qazaqstan, Shyǵys Qazaqstan oblystarynda, Aqmola, Pavlodar, Abaı oblysynyń basym bóliginde, Qostanaı oblysynyń soltústik-shyǵysynda, Almaty oblysynyń ońtústik-shyǵysynda, Jetisý aýmaqtarynda normaǵa jýyq boljanady», - dedi ol Ortalyq kommýnıkatsııalar qyzmetindegi baspasóz máslıhatynda.
Vıtse-mınıstrdiń aıtýynsha, qardaǵy sý qorynyń mólsherin, topyraqtyń kúzgi ylǵaldylyǵyn, topyraqtyń qatý tereńdigin qarastyra otyryp, sý tasqyny qaýipti aımaqtarǵa aldyn-ala baǵa berildi.
«Joǵary qaýip: Qaraǵandy, Aqmola, Soltústik Qazaqstan, Qostanaı, Shyǵys Qazaqstan, Abaı, Aqtóbe, Batys Qazaqstan, Atyraý Almaty, Jetisý, Jambyl, Túrkistan oblystary. Ortasha qaýip: Pavlodar, Ulytaý, Mańǵystaý jáne Qyzylorda oblystary», - dedi Ǵalıdolla Azıdýllın.
