13 oblysta 40 densaýlyq saqtaý nysanynyń qurylysy aıaqtalǵan joq
ASTANA. 17 sáýir. QazAqparat - 100 aýrýhana baǵdarlamasy aıasynda Atyraý, Pavlodar oblystary men Almaty qalasynda jobalar tolyǵymen júzege asyryldy.
Bul jaıynda búgin selektorlyq rejimdegi Úkimet otyrysynda QR Densaýlyq saqtaý mınıstri Salıdat Qaıyrbekova málim etti.
«100 mektep, 100 aýrýhana» baǵdarlamasy aıasynda 103 densaýlyq saqtaý nysanyn salý kózdelgen. Onyń 99-y - jergilikti, sondaı-aq 4 nysan respýblıkalyq bolyp tabylady»,-dedi mınıstr.
S. Qaıyrbekovanyń sózine qaraǵanda, bıylǵy 15 sáýirdegi jaǵdaı boıynsha 148,8 mlrd. teńge qarjyǵa 59 nysannyń qurylysy aıaqtaldy. Onyń ishinde 2008 jyly - 6 nysan, 2009 jyly - 11, 2010 jyly - 30, 2011 jyly - 11, sondaı-aq 2012 jyly 1 nysan tapsyryldy.
«Atalǵan merzimde Aqmola oblysynda josparlanǵan 5 nysannyń 1-i aıaqtaldy, Aqtóbe oblysynda 5 nysannyń 4-i, Almaty men Soltústik Qazaqstan oblystary josparlanǵan 6 nysannyń árqaısysy tórteýden tapsyrdy, ShQO jeteýdiń ekeýin, al Astana 9 nysannyń 3-in paıdalanýǵa berdi»,-dedi vedomstvo basshysy. Qyzylorda oblysynda salynýy tıis 5 densaýlyq saqtaý nysandarynyń eshqaısysy tapsyrylmaǵan.
«Osy arqyly, 15 sáýirdegi ahýal boıynsha 13 oblysta 40 nysannyń qurylysy aıaqtalǵan joq. Atap aıtqanda, bul joba Atyraý, Pavlodar oblystary men Almaty qalasynda tolyǵymen júzege asyryldy»,-dedi mınıstr.
Onyń aıtýynsha, óńirlerde qurylys merzimi 6 nysan boıynsha alǵa shegerilip, 2012 jylǵa josparlandy. Osy oraıda Qyzylorda oblysy boıynsha 2 nysannyń, Aqmola, Jambyl, Qostanaı oblystarynda jáne Astanada 1 nysannyń qurylysy belgilengen merziminde júzege asyrylǵan joq.
