13 maýsym kúni elordada ótetin mańyzdy sharalar ańdatpasy
ASTANA. QazAqparat – «QazAqparat» halyqaralyq aqparat agenttigi 13 maýsym kúni Astanada ótetin mádenı jáne qoǵamdyq mańyzdy sharalar ańdatpasyn usynady.
10.00-de Úkimet úıinde kezekti Úkimet otyrysy ótedi. Kún tártibinde 2023 jylǵy qańtar-mamyr aılaryndaǵy áleýmettik-ekonomıkalyq damý qorytyndylary jáne respýblıkalyq bıýdjettiń atqarylýy, sondaı-aq mal sharýashylyǵyn damytý taqyryptary qaralady.
10.00-de Qazaqstannyń strategııalyq zertteýler ınstıtýtynda «Ashyq esik kúni» ótedi. Onda elimizdiń jetekshi taldaý ortalyǵynyń basshylyǵy óziniń 30 jyldyq mereıtoıyna qarsy QSZI qyzmeti men zertteýleri týraly aıtady.
10.00-de Astana Hub-ta shaǵyn jáne orta bızneske arnalǵan memlekettik qoldaý sharalarynyń tanystyrylymy ótedi. Shara barysynda qarjylaı jáne qarjylaı emes qoldaý sharalary, olardy qalaı alýǵa bolady jáne ol úshin ne qajet ekeni týraly aqparat beriledi.
