13 maýsym kúngi aýa raıy boljamy
NUR-SULTAN. QazAqparat - 13 maýsym kúni Qazaqstannyń basym bóliginde qubylmaly kún raıy saqtalyp, jańbyr men naızaǵaı boljanady. Eldiń batysy men ońtústiginde beısenbi jaýyn-shashynsyz ótedi. Keı óńirlerde naızaǵaı, tuman, daýyl, jeldiń kúsheıýi jáne burshaq kútiledi. Batysta shańdy daýyl turýy yqtımal, dep habarlaıdy QazAqparat.
«Qazgıdromet» RMK málimetinshe, Soltústik Qazaqstan oblysynyń jekelegen aýmaǵynda tuman, daýyl, túnde keı bóliginde, kúndiz basym jerinde jeldiń kúshi 15-20 m/s artady. Burshaq jaýýy múmkin.
Qostanaı jáne Pavlodar oblystarynda daýyl, 15-20 m/s ekpindegi jel, burshaq boljanady.
Aqmola oblysynda kúndiz daýyl turyp, burshaq jaýady. Túnde keı jerlerinde, kúndiz basym bóliginde 15-20 m/s jyldamdyqpen jel soǵady.
Atyraý oblysynda kúndiz daýyl turyp, shań kóteriledi, jeldiń kúshi 15-20 m/s jetedi.
Almaty, Shyǵys Qazaqstan oblystarynda, kúndiz Aqtóbe, Batys Qazaqstan oblystarynyń jekelegen aýmaqtarynda jeldiń kúshi 15-22 m/s artatyny kútiledi. Shyǵys Qazaqstan oblysynda, kúndiz Batys Qazaqstan oblysynda burshaq jaýýy múmkin.
Qaraǵandy oblysynyń keı jerlerinde tuman, 15-20 m/s ekpindegi jel, burshaq boljanady.
Kúndiz Qaraǵandy, Atyraý, Mańǵystaý oblystarynda qatty ystyq kútiledi.
Batys Qazaqstan, Atyraý, Aqtóbe, Qostanaı, Qaraǵandy, Qyzylorda, Túrkistan jáne Jambyl oblystarynyń jekelegen jerlerinde joǵary órt qaýpi saqtalady.
