13 mamyr kúngi aýa raıy boljamy
NUR-SULTAN. QazAqparat -13 mamyr kúni Qazaqstannyń basym bóliginde qubylmaly kún raıy saqtalady. Jekelegen óńirlerde jańbyr jaýady, ońtústikte qatty jańbyr boljanady. Keı jerlerde ekpindi jel, tuman, burshaq, ońtústikte jáne ońtústik-batysta daýyl kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, kúndiz Jambyl, Batys Qazaqstan, Shyǵys Qazaqstan oblystarynyń keı jerlerinde jel 15-20 m/s kúsheıedi. Batys Qazaqstan oblysynyń keı jerlerinde burshaq jaýýy yqtımal.
Túrkistan, Qostanaı, Soltústik Qazaqstan, kúndiz Qyzylorda oblystarynyń keı jerlerinde burshaq jaýýy múmkin, jel 15-20 m/s kúsheıedi. Túrkistan, kúndiz Qyzylorda oblysynda daýyl turady. Túnde jáne tańerteń Soltústik Qazaqstan oblysynda tuman kútiledi.
Mańǵystaý oblysynyń keı jerlerinde tuman boljanady. Kúndiz jel 15-20 m/s artady.
