13 qyrkúıekte Qazaqstannyń basym bóliginde jańbyr jaýyp, jel kúsheıedi - aýa raıy boljamy
ASTANA. 12 qyrkúıek. QazAqparat - Atmosferalyq aǵymdardyń ótýine baılanysty 13 qyrkúıekte Qazaqstannyń basym aýmaǵynda aýa raıy turaqsyz bolady, keı jerlerde jańbyr jaýyp, jel kúsheıedi, dep habarlady Qazgıdrometke silteme jasaı otyryp QR TJM-niń baspasóz qyzmeti.
Respýblıkanyń batysy men ońtústiginde kún raıy antıtsıklonnyń yqpalynda bolady. Aqmola, Almaty, Jambyl, Ońtústik Qazaqstan, Aqtóbe, Qostanaı, Qaraǵandy, Shyǵys Qazaqstan, kúndiz Soltústik Qazaqstan, Pavlodar oblystarynda keı jerlerde 15-22 m/s jyldamdyqpen jel soǵady.
Túnde Aqtóbe, Qostanaı jáne Qaraǵandy oblystarynda jekelegen jerlerde 0-2 gradýsqa deıin kún sýytady. Respýblıkanyń ońtústik jáne ońtústik-shyǵysynda tótenshe joǵary órt qaýpi saqtalady.
Aldaǵy táýlikterde respýblıkanyń ońtústik-shyǵys jáne shyǵysyndaǵy taýly ózenderde sý deńgeıiniń aýytqýshylyǵy baıqalady.
