13 qyrkúıekte Qazaqstanda ótetin mańyzdy sharalarǵa sholý

ASTANA

10.00-de Májiliste «Nur Otan» partııasy fraktsııasynyń janyndaǵy «Kólik-logıstıka ınfraqurylymyn damytý» baǵyty boıynsha komıssııa otyrysy ótedi. Otyrysqa depýtat G.A.Şegelskıı tóraǵalyq etedi.

10.30-da Eýrazııa ulttyq ýnıversıtetinde «Mıgratsııa: jańa úrdister men baǵyttar» taqyrybynda halyqaralyq dóńgelek ústel ótedi. Dóńgelek ústelge Konrad Adenaýer Qorynyń Ókildigi qatysady.

11.00-de Senatta Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysy ótedi.

14.00-de Senatta memlekettik jáne memlekettik kepildendirilgen qaryz, kvazımemlekettik sektordyń qaryzy máseleleri boıynsha QR Qarjy mınıstrliginiń basshylyǵymen kezdesý bolady.

15.00-de Májiliste Qarjy jáne Ulttyq ekonomıka mınıstrlikteri, sondaı-aq, Esep komıteti 2019-2021 jyldarǵa arnalǵan respýblıkalyq bıýdjetke qatysty eki Zań jobasyn tanystyrady.

15.00 Memlekettik qyzmet isteri jáne sybaılas jemqorlyqqa qarsy is-qımyl agenttigi alańynda Ulttyq kásipkerler palatasy jáne Agenttik arasynda qabyldanǵan Jol kartasyn júzege asyrýdyń aralyq qorytyndylaryn jasaý boıynsha keńeıtilgen jıyn ótedi.

15.50-de QR Qarjy mınıstrliginde «Turǵyn úılerdi zańsyz jalǵa berý» taqyrybynda brıfıng uıymdastyrylady.

ALMATY

09.00-da QR Ulttyq kitaphanasynda Astana qalasynyń 20 jyldyǵyn toılaý aıasynda «Kitaphana - qoǵamnyń kópfýnktsııaly, kópdeńgeıli jáne áleýmettik-mádenı ınstıtýty retinde» taqyrybynda kitaphanashylardyń jalpyqazaqstandyq sezi ótedi.

10.00-de Sh. Ýálıhanov atyndaǵy tarıh jáne etnologııa ınstıtýtynda tanymal tarıhshy, Instıtýttyń jetekshi ǵylymı qyzmetkeri, t.ǵ.k., professor Dáýlethan Álimǵazynyń 75 jyldyq mereıtoıyna arnalǵan «Rýhanı jańǵyrý jáne túrki álemi tarıhynyń máseleleri» atty halyqaralyq ǵylymı-praktıkalyq konferentsııasy bastalady.

10.00-de «Qazaqstan» qonaqúıinde TMD memleketteriniń jastar forýmy ótedi.

10.00-de Yqylas atyndaǵy Ulttyq mýzykalyq aspaptar mýzeıinde Almaty men Ystanbul (Túrkııa), Vılnıýs (Lıtva), Mınsk (Belarýs), Býdapesht (Majarstan), Aleksandrııa (Egıpet) qalalaryndaǵy baılanysty nyǵaıtý maqsatynda «Álemdik mýzykalyq aspaptar» halyqaralyq festıvali ótedi.

20.00-de Balýan Sholaq atyndaǵy sport saraıynda 2019 jylǵy basketboldan álem chempıonatynyń irikteý kezeńinde Qazaqstan quramasy Japonııa quramasyna qarsy oınaıdy.

AQMOLA OBLYSY

15.00-de Aqmola oblysynyń bilim berý basqarmasyna qarasty Kókshetaý joǵary kolledjinde aımaqtaǵy tuńǵysh ІT-ortalyq ashylady.