13 qyrkúıek kúngi aýa raıy boljamy
NUR-SULTAN. QazAqparat – 13 qyrkúıek kúni atmosferalyq frontaldy bólikterdiń ótýine baılanysty Qazaqstannyń soltústiginde, soltústik-batysynda jáne ońtústiginde naızaǵaı oınap, jańbyr jaýady. Ekpindi jel soǵady. Eldiń qalǵan aýmaǵynda jaýyn-shashynsyz aýa raıy kútiledi. Respýblıkanyń batysy men shyǵysynda keı jerlerde tuman boljanady, dep habarlaıdy QazAqparat.
Atap aıtqanda, Almaty, kúndiz Qyzylorda, Qostanaı oblystarynyń keı jerlerinde naızaǵaı, jeldiń 15-20 m/s kúsheıýi kútiledi.
Aqtóbe, kúndiz Aqmola oblystarynyń keı jerlerinde naızaǵaı boljanady.
Túnde jáne tańerteń Batys Qazaqstan, Shyǵys Qazaqstan oblystarynda tuman bolady.
Túnde Shyǵys Qazaqstan oblysynyń keı jerlerinde 1-3 gradýs úsik kútiledi.
Qyzylorda oblysynyń basym bóliginde, Qaraǵandy, Túrkistan oblystarynyń keı jerlerinde, Atyraý oblysynyń ońtústiginde, Almaty oblysynyń batysynda tótenshe órt qaýpi saqtalady.
