13 qazan. Kazinform kúntizbesi. Tulǵalar týǵan kún

Ázimhan SATYBALDIN, qazaqstandyq ǵalym, QR Ulttyq ǵylym akademııasynyń akademıgi

1959 jyly Jambyl oblysynda dúnıege kelgen. 1981 jyly Qazaq aýyl sharýashylyǵy ınstıtýtyn ekonomıst-uıymdastyrýshy mamandyǵy boıynsha bitirgen.

Eńbek joly: 1981-1983 jyldary Talas aýdandyq aýyl sharýashylyǵy basqarmasynda ekonomıst, «Maıtóbe» keńsharynda bas ekonomıst bolyp jumys istegen. 1984-1985 jyldary Qazaq AÓK ekonomıkasy jáne uıymdastyrý ǴZI kúndizgi aspırantýrasynda oqyǵan. 1986-1988 jyldary Qazaq qoı sharýashylyǵy ǴZTI kishi jáne aǵa ǵylymı qyzmetker bolǵan. 1989-1993 jyldary Qazaq AÓK ekonomıkasy jáne uıymdastyrý ǴZI AǴQ, bólim meńgerýshisi, dırektordyń ǵylym jónindegi orynbasary qyzmetin atqardy. 1994 jyly Qazaq aýyl sharýashylyǵy ǵylymdary akademııasy Prezıdıýmynyń bas ǵalym hatshysy, 1995 jyly «Shymkent» ǵylymı-óndiristik birlestiginiń bas dırektory bolǵan. 1995-1996 jyldary QR Prezıdenti Ákimshiliginiń ekonomıkalyq saıasat bóliminiń meńgerýshisiniń birinshi orynbasary qyzmetin atqarǵan. 1996-2003 jyldary Qazaqstan Respýblıkasynyń Ulttyq akademııalyq agrarlyq zertteýler ortalyǵynyń bas dırektory bolǵan. 1997-1999 jyldary Qazaqstan Ǵylym akademııasynyń agrarlyq ǵylymdar jónindegi vıtse-prezıdenti qyzmetin atqarǵan. 1998-2003 jyldary Qazaqstan Ǵylym akademııasynyń aýyl sharýashylyǵy ǵylymdary bólimshesiniń akademık-hatshysy bolǵan. 2005-2007 jyldary Qoja Ahmet ıAsaýı atyndaǵy Halyqaralyq qazaq-túrik ýnıversıtetinde túrkitildes elderdiń yqpaldastyq baılanystaryn zertteý ınstıtýtynyń dırektory qyzmetin atqarǵan. 2007-2014 jyldary QR Memlekettik qyzmet isteri agenttiginiń Jambyl oblysy boıynsha basqarmasynyń bastyǵy bolǵan. 2014 jyly «QazAgroInnovatsııa» AQ basqarma tóraǵasy qyzmetin atqarǵan. 2015 jyly Qazaqstan Respýblıkasy Bilim jáne ǵylym mınıstrligi Ǵylym komıtetiniń Ekonomıka ınstıtýtynyń dırektory bolǵan.

Baqytjan SAǴYNTAEV, Eýrazııalyq ekonomıkalyq komıssııanyń tóraǵasy

1963 jyly Jambyl oblysynda dúnıege kelgen. 1985 jyly Qazaq memlekettik ýnıversıtetin ekonomıst mamandyǵy boıynsha bitirgen.

Eńbek joly: 1985-1988 jyldary Almaty halyq sharýashylyǵy ınstıtýtynyń saıası ekonomııa kafedrasynda oqytýshy bolyp jumys istegen. 1988-1992 jyldary Qazaq memlekettik ýnıversıtetiniń áleýmettaný kafedrasynda assıstent, aǵa oqytýshy jáne dotsent qyzmetterin atqarǵan. 1992-1993 jyldary «Marýe» týrıstik-kommertsııalyq fırmasynyń prezıdenti, 1993-1997 jyldary «Qazmet» aktsıonerlik qoǵamynyń bas dırektory bolǵan. 1997-1998 jyldary «LÝKoılneftegazstroı-K» jabyq aktsıonerlik qoǵamynda bas maman jáne bas dırektordyń orynbasary, 1998-1999 jyldary Jambyl oblysy ákiminiń orynbasary qyzmetin atqarǵan. 1999 jyly Qazaqstan Respýblıkasy Shaǵyn bıznesti qoldaý agenttigi tóraǵasynyń orynbasary bolǵan. 1999-2001 jyldary «Shaǵyn kásipkerlikti damytý qory» jabyq aktsıonerlik qoǵamynyń basqarma tóraǵasy qyzmetin atqarǵan. 2001-2002 jyldary QR Tabıǵı monopolııalardy retteý, básekelestikti qorǵaý jáne shaǵyn bıznesti qoldaý agenttigi tóraǵasynyń orynbasary, 2002-2004 jyldary QR Tabıǵı monopolııalardy retteý jáne básekelestikti qorǵaý agenttigi tóraǵasynyń birinshi orynbasary qyzmetin atqarǵan. 2004-2007 jyldary QR Tabıǵı monopolııalardy retteý agenttiginiń tóraǵasy bolǵan. 2007-2008 jyldary QR Premer-Mınıstri Keńsesiniń basshysy, 2008-2012 jyldary Pavlodar oblysynyń ákimi, 2012 jyly Qazaqstan Respýblıkasynyń Ekonomıkalyq damý jáne saýda mınıstri qyzmetin atqarǵan. 2012-2013 jyldary «Nur Otan» halyqtyq-demokratııalyq partııasy tóraǵasynyń birinshi orynbasary bolǵan. 2013-2016 jyldary QR Premer-Mınıstriniń birinshi orynbasary qyzmetin atqarǵan. 2016-2019 jyldary Qazaqstan Respýblıkasynyń Premer-Mınıstri, 2019 jyly Qazaqstan Respýblıkasynyń Memlekettik hatshysy qyzmetin, sonymen qatar Qazaqstan Respýblıkasy Prezıdenti Ákimshiliginiń basshysy bolǵan. 2019-2022 jyldary Almaty qalasynyń ákimi qyzmetin atqarǵan. 2022-2024 jyldary Eýrazııalyq ekonomıkalyq komıssııanyń QR Ekonomıka jáne qarjy saıasaty jónindegi mınıstri bolǵan.

Qazirgi qyzmetin 2024 jylǵy aqpannan bastap atqaryp keledi.

Nurserik ShÁRІPOV, Qazaqstan Respýblıkasy Joǵarǵy Sotynyń azamattyq ister jónindegi sot alqasynyń tóraǵasy

1965 jyly Pavlodar oblysynyń Ertis qalasynda dúnıege kelgen. 1990 jyly Qazaq memlekettik ýnıversıtetin quqyqtaný mamandyǵy boıynsha, 2006 jyly M.H. Dýlatı atyndaǵy Taraz memlekettik ýnıversıtetin ekonomıka mamandyǵy boıynsha bitirgen.

Eńbek joly: 1988-1990 jyldary Qazaq memlekettik ýnıversıtetiniń zań fakýltetindegi komsomol komıtetiniń hatshysy bolǵan. 1990-1992 jyldary Qazaq memlekettik ýnıversıtetiniń ákimshilik quqyq kafedrasynda assıstent qyzmetin atqarǵan. 1992-1995 jyldary QR Prezıdenti Apparatynyń azamattyq jáne keshirim jasaý máseleleri bóliminde referent jáne aǵa referent bolyp jumys istegen. 1995-1996 jyldary Almaty qalasy Frýnze aýdandyq halyq sotynyń sýdıasy bolǵan. 1996-2007 jyldary Almaty qalasy Medeý aýdandyq sotynyń sýdıasy qyzmetin atqarǵan. 2007-2008 jyldary Almaty qalasynyń mamandandyrylǵan aýdanaralyq ákimshilik sotynyń tóraǵasy bolǵan. 2008-2010 jyldary Mańǵystaý oblysynyń mamandandyrylǵan aýdanaralyq ekonomıkalyq sotynyń tóraǵasy qyzmetin atqarǵan. 2010-2012 jyldary Mańǵystaý oblystyq sotynyń apellıatsııalyq sot alqasynyń tóraǵasy bolǵan. 2012-2017 jyldary Ońtústik Qazaqstan oblystyq sotynyń tóraǵasy qyzmetin atqarǵan. 2017-2019 jyldary Qazaqstan Respýblıkasy Joǵarǵy Soty janyndaǵy Sottardyń qyzmetin qamtamasyz etý departamentiniń (QR Joǵarǵy Soty apparatynyń) basshysy bolǵan. 2019-2021 jyldary Qaraǵandy oblystyq sotynyń tóraǵasy qyzmetin atqarǵan. 2021 jyldan bastap Qazaqstan Respýblıkasy Joǵarǵy Sotynyń sýdıasy bolyp qyzmet atqarady.

Qazirgi qyzmetin 2022 jylǵy qańtardan bastap atqaryp keledi.

Qanat SAHARIıANOV, «Atameken Business» medıa-holdınginiń bas dırektory

1975 jyly Almaty qalasynda dúnıege kelgen. Qazaq memlekettik medıtsına ýnıversıtetin dáriger mamandyǵy boıynsha bitirgen. Qazaq ulttyq zań akademııasynyń quqyqtaný fakýltetinde bilim alǵan. Frantsııanyń Parıj qalasyndaǵy Joǵary kommertsııalyq mektepte (HEC, Paris) International Executive Master of Business Administration (IE MBA) dárejesin alǵan.

Eńbek joly: 2001-2006 jyldary «Habar» agenttigi» aktsıonerlik qoǵamynda zańger jáne zań bóliminiń bastyǵy bolyp jumys istegen. 2006-2012 jyldary «Habar» agenttigi» basqarmasynyń múshesi, basqarma tóraǵasynyń birinshi orynbasary, 2012-2014 jyldary «Qazmedıa ortalyǵy» kompanııasy basqarmasynyń bas dırektory, 2014-2016 jyldary «Kommertsııalyq televızııalyq arna» AQ bas dırektory, 2016-2017 jyldary «Habar» Agenttigi» basqarma tóraǵasynyń orynbasary, 2017-2018 jyldary «Atameken Business Channel» Baqylaý keńesiniń tóraǵasy qyzmetin atqarǵan. 2018 jyldan bastap «Atameken Business Channel» telearnasynyń bas dırektory.

Nurlybek NÁLІBAEV, Qazaqstan Respýblıkasy Premer-Mınıstriniń birinshi orynbasary

1976 jyly Qyzylorda oblysynda dúnıege kelgen. 1997 jyly Qazaq memlekettik agrarlyq ýnıversıtetin ekonomıst-menedjer mamandyǵy boıynsha, 2003 jyly Qazaq gýmanıtarlyq zań ýnıversıtetin zańger mamandyǵy boıynsha bitirgen.

Eńbek joly: 1997-1998 jyldary «Qazaqoıl-kommertsııa» JShS sarapshysy, «Bulaq» JShS dırektordyń orynbasary bolyp jumys istegen. 1999-2002 jyldary «Standart OılBeıs» JShS dırektory, «StandartOılTreıdıng» JShS dırektory jáne «StandartGaz» kompanııasy dırektorynyń orynbasary qyzmetterin atqarǵan. 2002 jyly «Shymkentorgsıntez» aktsıonerlik qoǵamynyń Qyzylorda fılıalynyń dırektory bolǵan. 2002-2004 jyldary «Qyzylorda Munaı Servıs» JShS-nyń bas dırektory, 2002-2004 jyldary «PetroQazaqstan» saýda úıi» JShS-nyń dırektory, 2005-2007 jyldary Qyzylorda qalasy ákiminiń orynbasary jáne birinshi orynbasary qyzmetterin atqarǵan. 2007-2008 jyldary Qyzylorda oblysy ákiminiń apparat basshysy bolǵan. 2008-2013 jyldary Qyzylorda oblysy Shıeli aýdanynyń ákimi, 2013-2021 jyldary Qyzylorda qalasynyń ákimi bolǵan. 2021-2022 jyldary Qazaqstan Respýblıkasy Premer-Mınıstri Keńsesiniń óńirlik damý bóliminiń meńgerýshisi qyzmetin atqarǵan. 2022-2026 jyldary Qyzylorda oblysynyń ákimi bolǵan.

Qazirgi qyzmetin 2026 jylǵy mamyrdan bastap atqaryp keledi.

Ashat HASENOV, «QazMunaıGaz» ulttyq kompanııasy» aktsıonerlik qoǵamy basqarmasynyń tóraǵasy

1983 jyly Jambyl oblysynda dúnıege kelgen. 2005 jyly Q.I. Sátbaev atyndaǵy Qazaq ulttyq tehnıkalyq ýnıversıtetin «Munaı jáne gaz uńǵymalaryn burǵylaý, ınjener» mamandyǵy boıynsha bitirgen. 2013 jyly Halyqaralyq bıznes ýnıversıtetin «Menedjment» mamandyǵy boıynsha támamdap, iskerlik ákimshilendirý magıstri dárejesin alǵan.

Eńbek joly: 2005-2006 jyldary «Torǵaı Petroleým» aktsıonerlik qoǵamynyń munaı jáne gaz óndirý tsehynda 3-razrıadty operator bolyp jumys istegen. 2006-2010 jyldary Munaı-gaz ónerkásibiniń bas dıspetcherlik basqarmasy» aktsıonerlik qoǵamynda jetekshi maman, bas maman, ken oryndaryn ıgerý bóliminiń bastyǵy, departament dırektorynyń orynbasary, tehnıkalyq retteý departamentiniń dırektory jáne vıtse-prezıdent qyzmetterin atqarǵan. 2010-2011 jyldary QR Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıtetinde memlekettik baqylaýdy taldaý jáne monıtorıng basqarmasynyń bastyǵy bolǵan. 2011 jylǵy qyrkúıekten 2014 jylǵy sáýirge deıin QR Munaı jáne gaz mınıstrliginiń Munaı-gaz keshenindegi memlekettik ınspektsııa komıtetinde memlekettik ınspektsııa jáne ruqsattar berý basqarmasynyń bastyǵy qyzmetin atqarǵan. 2014 jylǵy sáýirden 2019 jylǵy qańtarǵa deıin QR Energetıka mınıstrliginiń munaı-gaz hımııasy ónerkásibin damytý jáne tehnıkalyq retteý departamentiniń dırektory bolǵan. 2019 jyly ADAEnergy JShS basqarýshy dırektory qyzmetin atqarǵan. 2019 jylǵy tamyzdan 2022 jylǵy qańtarǵa deıin KLPE («KeıElPıI») JShS memlekettik organdarmen baılanys jónindegi basqarma tóraǵasynyń orynbasary bolǵan. 2022-2024 jyldary QR Energetıka vıtse-mınıstri qyzmetin atqarǵan.

Qazirgi qyzmetin 2024 jylǵy mamyrdan bastap atqaryp keledi.

Asqar (Álıasqar) TOQPANOV, qazaq rejısseri, pedagog, Qazaqstannyń halyq ártisi, Qazaqstannyń eńbek sińirgen óner qaıratkeri

1915 jyly Almaty oblysynda dúnıege kelgen. Abaı atyndaǵy Qazaq pedagogıkalyq ınstıtýtyn (qazirgi Abaı atyndaǵy Qazaq ulttyq pedagogıkalyq ýnıversıteti) jáne Memlekettik teatr óneri ınstıtýtyn bitirgen.

1939-1944 jyldary jáne 1948-1951 jyldary Qazaq drama teatrynda qoıýshy rejısser bolyp qyzmet atqarǵan. Teatr sahnasynda M. Áýezov pen L.Sobolevtiń stsenarııleri boıynsha «Abaı», Sh.Qusaıynovtyń «Marabaı», M.Áýezovtiń «Syn saǵatta» jáne «Eńlik-Kebek», S.Muqanovtyń «Jeńis jyry», Ǵ. Mustafınniń «Mıllıoner», A.P.Shteınniń «Namys soty» jáne basqa da spektaklderdi sahnalaǵan. Keıin Balalar men jasóspirimder teatrynda, Qaraǵandy, Atyraý jáne Jambyl drama teatrlarynda kórkemdik jetekshi ári qoıýshy rejısser qyzmetterin atqarǵan. Rejısserlik jáne spektakl qoıýmen qatar, birqatar qoıylymdarda basty rólderdi somdaǵan.

Sahna óneriniń máselelerine arnalǵan ádebı-syn jáne zertteý maqalalaryn jazǵan. G. Ibsen, A. Ostrovskıı, A. Chehov, A.F. Sofronov jáne M. Gorkıı shyǵarmalaryn qazaq tiline aýdarǵan. Pedagogıkalyq qyzmetke de erekshe kóńil bólgen. 1939-1944 jyldary Almaty teatr ýchılışesinde jáne Almaty óner ınstıtýtynda (qazirgi Almaty teatr-kórkemsýret ınstıtýty) sabaq bergen. 1955-1963 jyldary kafedra meńgerýshisi qyzmetin atqarǵan. 1975 jyldan bastap professor bolǵan.

Eńbek Qyzyl Tý ordenimen, «Halyqtar dostyǵy» ordenimen jáne medaldarmen marapattalǵan.