13 qazaqstandyq koronavırýsty elimizdiń ishinde juqtyrǵan
NUR-SULTAN. QazAqparat - 13 qazaqstandyq koronavırýsty elimizdiń ishinde juqtyrǵan. Bul týraly «Habar 24» telearnasynyń tikeleı efırinen QR Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.
«13 adam COVID-19 vırýsyn Qazaqstanda júrip juqtyryp alǵan. 29 adam vırýsty shetelden ákelgen jáne 26 adam ushaqta vırýs juqtyrǵanmen baılanysta bolǵan», - dedi Dáýren Abaev.
Onyń atap ótýinshe, koronavırýs juqtyrǵandardyń basym bóliginde, naqty aıtqanda shamamen 80 paıyzynda aýrý belgisi joq nemese azdaǵan tumaý bar.
Aıta keteıik, elimizde koronavırýs juqtyrǵandar sany - 68 adam. Nur-Sultanda – 35, Almatyda – 29, Qaraǵandyda – 2, Almaty oblysynda - 1 jáne Aqtóbe oblysynda - 1 jaǵdaı tirkelgen.
