13 qarashada jolǵa shyǵatyn júrgizýshiler neni eskerýi kerek
ASTANA. KAZINFORM — Qazaqstannyń 10 oblysynda joldar taıǵaq bolýy múmkin, dep habarlaıdy «QazAvtoJol» UK baspasóz qyzmeti.
Búgin Aqmola, Abaı, Aqtóbe, Qaraǵandy, Qostanaı, Jetisý, Pavlodar, Ulytaý, Soltústik Qazaqstan jáne Shyǵys Qazaqstan oblystarynda jańbyr aralas qar jaýyp, keı jerlerde qar kútiledi.
— Osyǵan baılanysty respýblıkalyq avtojoldardyń jekelegen bólikterinde kóriný qashyqtyǵy tómendep, jol beti taıǵaq bolýy múmkin. Júrgizýshilerge aýa raıyn eskerip, qaýipsiz araqashyqtyqty saqtaýdy, jol jaǵdaıyna qaraı jyldamdyqty tańdaýdy jáne oqys manevr jasamaýdy usynamyz, — dep eskertti mamandar.
Osyǵan deıin SQO-da qysta jalpy uzyndyǵy 156 km bolatyn qaýipti 86 jol ýchaskesi bar ekenin jazǵanbyz.