Memleket basshysy «Samuryq-Qazyna» jáne «Qazaqstan temir joly» basshylarynyń ustalýyna baılanysty Qaýipsizdik keńesiniń otyrysyn ótkizedi
ASTANA. KAZINFORM — 2026 jylǵy 13 qarashada Memleket basshysy Qasym-Jomart Toqaevtyń tóraǵalyǵymen Qazaqstan Respýblıkasy Qaýipsizdik Keńesiniń kólik-logıstıka salasyn damytý máseleleri boıynsha shuǵyl otyrysy ótedi. Bul týraly Prezıdenttiń keńesshisi – Baspasóz hatshysy Aıbek Smadııarov áleýmettik jelide jazdy.
Jıyn barysynda Prezıdent «Samuryq-Qazyna» ulttyq ál-aýqat qory men «Qazaqstan temir joly» UK» AQ basshylarynyń sybaılas jemqorlyq qylmysyna qatysy bar degen kúdikpen ustalýyna baılanysty memlekettiń pozıtsııasyn jetkizedi.
Sonymen qatar Memleket basshysy «Zań men Tártip» qaǵıdatyn saqtaý, ulttyq kompanııa basshylarynyń jeke jaýapkershiligi jáne elimizdegi strategııalyq mańyzdy kásiporyndardyń qyzmetindegi zańdylyq pen ashyqtyqty qamtamasyz etý máselelerine aıryqsha nazar aýdarady.
«Samuryq-Qazyna» qorynyń jumysyn reformalaý, ulttyq kompanııalardaǵy basqarý qurylymyn ońtaılandyrý, memlekettik satyp alýdyń ashyqtyǵyn qamtamasyz etý jáne QTJ-nyń tarıf saıasatyn ózgertý máseleleri Qasym-Jomart Toqaevtyń Prezıdent retindegi qyzmetinde birneshe jyldan beri turaqty kóterilip keledi. Memleket basshysy ár jyldary túrli jıyndarda bul qurylymdardyń jumysyna qatysty naqty talap qoıyp, birqatar mindet júktedi. Prezıdenttiń málimdemelerine hronologııalyq sholý jasadyq.
