13 qarashada Almaty ortalyǵynda joldardyń bir bóligi jabylady
ALMATY. QazAqparat- «City Run 2022» jarysynyń uıymdastyrý komıteti Almaty turǵyndary men qonaqtaryna jarys ótetin kúni joldardyń ishinara jabylatyny týraly málimdedi, dep habarlaıdy QazAqparat tilshisi.
13 qarasha kúni - «City Run 2022» jarysy ótetin ýaqytta, ıaǵnı, tańǵy saǵat 04:00-den 11:00-ge deıin jarys qashyqtyǵy ótetin jerlerde joldardaǵy qozǵalys ishinara jabylady. Jarys sóresi «Astana» alańynda bastalady. Tóle bı kóshesinde Abylaı han dańǵylynan Panfılov kóshesine deıingi qozǵalys saǵat 04:00-den 11:00-ge deıin jabyq bolady. Tóle bı kóshesinde Naýryzbaı batyr kóshesinen Abylaı han dańǵylyna deıingi qozǵalys saǵat 07:45-ten 09:40-qa deıin jabyq bolady. Naýryzbaı batyr kóshesiniń boıynda Tóle bı kóshesinen Shevchenko kóshesine deıingi qozǵalys saǵat 08:00-den 09:30-ǵa deıin shekteledi. Shevchenko kóshesiniń boıynda Naýryzbaı batyr kóshesinen Panfılov kóshesine deıingi qozǵalys saǵat 08:05-ten 09:20-ǵa deıin jabylady.
Panfılov kóshesiniń boıynda Tóle bı kóshesinen Bógenbaı batyr kóshesine deıingi qozǵalys saǵat 08:15-ten 09:45-ke deıin jabyq bolady. Bógenbaı batyr kóshesiniń boıynda Abylaı han dańǵylynan Panfılov kóshesine deıingi qozǵalys saǵat 08:15-ten 09:45-ke deıin jabyq bolady. Abylaı han dańǵylynyń boıynda Tóle bı kóshesinen Bógenbaı batyr kóshesine deıingi qozǵalys saǵat 08:15-ten 09:45-ke deıin jabyq bolady.
Aıta keteıik, sport áýesqoılaryna 2 qashyqtyq usynylyp otyr — 10 km jáne 5 km skandınavııalyq júris.
