13 qarasha. Týǵan kún ıeleri

ESІMDER

61 jyl buryn (1957) Qazaqstan Tennıs federatsııasynyń prezıdentiBolat Jámıtuly  ÓTEMURATOV dúnıege keldi.

Atyraý qalasynda týǵan. Almaty halyq sharýashylyǵy ınstıtýtyn bitirgen, ekonomıst. 1981-1982 jyldary - Almaty halyq sharýashylyǵy ınstıtýtynyń oqytýshysy, 1982-1983 jyldary - Almaty qalalyq saýda basqarmasynyń aǵa ınspektory. 1985-1986 jyldary Almaty qalasyndaǵy «ıÝbıleınyı» gastronomy dırektorynyń orynbasary, dırektory. 1985-1986 jyldary Almaty qalasy Áýezov aýdandyq tamaq saýdasy basqarmasynyń dırektory. 1986-1990 jyldary - Almaty qalasy Áýezov aýdandyq atqarý komıteti tóraǵasynyń orynbasary. 1990-1992 jyldary - Ekonomıkalyq baılanystar memlekettik komıtetiniń, Syrtqy ekonomıkalyq baılanystar mınıstrliginiń bólim, basqarma bastyǵy. 1992-1993 jyldary Avstrııadaǵy Qazaq saýda úıiniń bas dırektory. 1993-1994 jyldary - QR Syrtqy ekonomıkalyq baılanystar mınıstriniń orynbasary. 1994-1995 jyldary - QR Ónerkásip jáne saýda mınıstriniń birinshi orynbasary. 1995-1996 jyldary - QR SІM erekshe tapsyrmalar jónindegi elshisi. 1996-1999 jyldary - QR-nyń Shveıtsarııadaǵy Tótenshe jáne Ókiletti elshisi, Jeneva qalasyndaǵy BUU jáne basqa halyqaralyq uıymdar janyndaǵy turaqty ókili. 1999-2003 jyldary - QR Prezıdentiniń syrtqy saıası jáne syrtqy ekonomıkalyq máseleler jónindegi kómekshisi. 2003-2006 jyldary - QR Qaýipsizdik Keńesiniń hatshysy. 2006-2008 jyldary - QR Prezıdentiniń Іs basqarýshysy. 2008 jyldyń 2013 jyldyń naýryzyna deıin QR Prezıdentiniń shtattan tys keńesshisi, 2010 jyldyń mamyrynan 2013 jyldyń naýryzyna deıin - QR Prezıdentiniń Qyrǵyz Respýblıkasymen yntymaqtastyq máseleleri jónindegi arnaıy ókili. 2014 jyldyń aqpanynan - «Asyl mıras» jeke qaıyrymdylyq qorynyń negizin qalaýshy jáne qordyń Qamqorlyq keńesiniń múshesi.

45 jyl buryn (1973) Qazaqstan Respýblıkasy Aqparat jáne kommýnıkatsııalar vıtse-mınıstri Nurgúl Óserbaıqyzy MÁÝBERLINOVA dúnıege keldi

Qaraǵandy oblysynda týylǵan. E.A.Bóketov atyndaǵy Qaraǵandy memlekettik ýnıversıtetin aıaqtady. Eńbek jolyn Qaraǵandy oblysy Saran qalasynyń ákimdiginde bastady. Mádenıet, aqparat mınıstrligi, QR Premer-Mınıstri Keńsesinde túrli laýazymdarda qyzmet atqarǵan. 2012 jylǵy qarashadan bastap QR Prezıdentiniń janyndaǵy Ortalyq kommýnıkatsııalar qyzmeti dırektorynyń orynbasary bolǵan. 2016-2018 jyldary QR Aqparat jáne kommýnıkatsııalar mınıstrligi Aqparat komıtetiniń tóraǵasy qyzmetin atqarǵan.

Qazirgi qyzmetinde - 2018 jyldyń sáýirinen.

64 jyl buryn (1954) QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi  Asqar Ermyrzauly BAZARBAEV dúnıege keldi.

Taldyqorǵan qalasynda týǵan. Eńbek jolyn 1971 jyly Almaty ken emes materıaldar kombınatynda jumysshy bolyp bastady. 1977 jyly Qazaq polıtehnıkalyq ınstıtýtyn bitirdi. Instıtýtty bitirgennen keıin Qaraǵandy oblysynda jumys istedi. 1977-1980 jyldary Qarmetkombınattyń avtomattandyrý jáne mehanıkalandyrý zerthanasynda ınjener, bas ınjener. 1980-1982 jyldary - Qarmetkombınat partııa komıtetiniń nusqaýshysy. 1982-1983 jyldary - Qazaqstan Kompartııasy Temirtaý qalalyq komıteti ónerkásip-kólik bóliminiń nusqaýshysy. 1983-1988 jyldary - Qazaqstan kompartııasy Qaraǵandy oblystyq komıteti ónerkásip bóliminiń nusqaýshysy, meńgerýshisiniń orynbasary. 1988-1991 jyldary - Qazaqstan kompartııasy Temirtaý qalalyq komıtetiniń ekinshi, sodan keıin birinshi hatshysy. 1991-1996 jyldary - «Tekstıl» Qazaqstan-Shveıtsarııa birlesken kásiporny ókildiginiń dırektory, Qarmetkombınattyń Almaty qalasyndaǵy ókildigi bas dırektorynyń orynbasary. 1996-1999 jyldary - «HlebLTD» JShS dırektorynyń orynbasary, «Bazarstan» JShS prezıdenti. 1999-2002 jyldary - Qaraǵandy oblysy ákiminiń kómekshisi. 2002-2007 jyldary - Qaraǵandy oblysy ákimi apparatynyń basshysy. 2007-2009 jyldary - Qaraǵandy oblysy ákiminiń orynbasary. 2009-2012 jyldary - «Nur Otan» HDP Qaraǵandy oblystyq fılıaly tóraǵasynyń birinshi orynbasary. 

2012-2016 jyldary - besinshi saılanǵan QR Parlamenti Májilisiniń depýtaty. Qazirgi qyzmetinde 2016 jylǵy naýryzdan beri.. «Qurmet» ordenimen, Qazaqstan Respýblıkasynyń Qurmet gramotasymen jáne merekelik medaldarymen marapattalǵan.