13 qarasha. Kazinform kúntizbesi. Tulǵalar týǵan kún
Búgin, 13 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
Berik QAMALIEV, Qazaqstan Respýblıkasy Kólik mınıstrligi Qoǵamdyq keńesiniń tóraǵasy
1960 jyly Qaraǵandy oblysynda dúnıege kelgen. 1982 jyly Qaraǵandy polıtehnıkalyq ınstıtýtyn ınjener-qurylysshy mamandyǵy boıynsha, 1993 jyly Qaraǵandy memlekettik ýnıversıtetin, 2005 jyly Reseı Federatsııasy Prezıdenti janyndaǵy Memlekettik basqarý akademııasyn ekonomıst mamandyǵy boıynsha bitirgen.
Eńbek joly: 1983-1984 jyldary áskerı bólimniń qurylys-montaj ýchaskesinde jumys júrgizýshi qyzmetin atqardy. 1984-1991 jyldary aýdandyq partııa komıtetiniń nusqaýshysy, oblystyq stýdenttik qurylys jasaqtary shtabynyń komandıri boldy. 1991-2001 jyldary birqatar kommertsııalyq qurylymdardy basqardy. 1993-1995 jyldary «Qazagropromtehnıka» oblystyq birlestigi tóraǵasynyń orynbasary, 2001-2004 jyldary Qaraǵandy oblystyq avtomobıl joldary basqarmasynyń bastyǵy, 2004-2005 jyldary Qazaqstan Respýblıkasy Premer-Mınıstriniń keńesshisi qyzmetin atqardy. 2005-2006 jyldary Kólik jáne kommýnıkatsııa mınıstrligi Kólik ınfraqurylymyn damytý komıtetiniń tóraǵasy boldy. 2006 jyly Qaraǵandy oblysy ákiminiń orynbasary, keıin birinshi orynbasary qyzmetin atqardy. 2009-2010 jyldary «Saryarqa» áleýmettik-kásipkerlik korporatsııasy» AQ basqarma tóraǵasy, 2010-2011 jyldary Qazaqstan Respýblıkasynyń Indýstrııa jáne jańa tehnologııalar vıtse-mınıstri, 2011-2012 jyldary Qazaqstan Respýblıkasynyń Kólik jáne kommýnıkatsııa mınıstri boldy. 2014-2015 jyldary «QazAvtoJol» UK» AQ basqarma tóraǵasy qyzmetin atqardy. 2015-2016 jyldary «Qazaqstan temir joly» UK» AQ vıtse-prezıdenti, 2016-2019 jyldary Qazaqstan Respýblıkasynyń Investıtsııalar jáne damý vıtse-mınıstri qyzmetin atqardy. 2019-2022 jyldary Qazaqstan Respýblıkasynyń Indýstrııa jáne ınfraqurylymdyq damý vıtse-mınıstri boldy. Qazaqstan Respýblıkasyndaǵy Dúnıejúzilik jol qaýymdastyǵy (PIARC) Ulttyq komıtetiniń tóraǵasy.
Nurgúl MAÝBERLINOVA, Qazaqstannyń memlekettik qaıratkeri
1973 jyly Qaraǵandy oblysynda dúnıege kelgen. 2000 jyly E.A.Bóketov atyndaǵy Qaraǵandy memlekettik ýnıversıtetin, 2006 jyly Qaztutyný odaǵynyń Qaraǵandy ekonomıkalyq ýnıversıtetin bitirgen.
Eńbek joly: 2006-2008 jyldary Qazaqstan Respýblıkasy Mádenıet jáne aqparat mınıstrligi Aqparat jáne muraǵat komıtetiniń bas sarapshysy, 2008-2012 jyldary Qazaqstan Respýblıkasy Premer-Mınıstri Keńsesiniń Aqparattyq-taldaý ortalyǵynyń bas konsýltanty, 2012-2016 jyldary Qazaqstan Respýblıkasy Prezıdenti janyndaǵy Ortalyq kommýnıkatsııalar qyzmeti RMM dırektorynyń orynbasary boldy. 2016-2018 jyldary Qazaqstan Respýblıkasy Aqparat jáne kommýnıkatsııalar mınıstrligi Aqparat komıtetiniń tóraǵasy, 2018-2019 jyldary Qazaqstan Respýblıkasynyń Aqparat jáne kommýnıkatsııalar vıtse-mınıstri, 2019-2020 jyldary Qazaqstan Respýblıkasynyń Aqparat jáne qoǵamdyq damý vıtse-mınıstri qyzmetin atqardy. 2020-2022 jyldary Qazaqstan Respýblıkasy Prezıdenti Ákimshiliginiń Іshki saıasat bóliminiń meńgerýshisi, 2022-2024 jyldary Qazaqstan Respýblıkasynyń Aqparat jáne qoǵamdyq damý vıtse-mınıstri boldy. 2024-2026 jyldary QR Parlamenti Senaty tóraǵasynyń hatshylyǵyn basqardy.
Tımýr TÝRLOV, qazaqstandyq kásipker, qarjyger jáne fılantrop, Freedom Holding kompanııasynyń negizin qalaýshy, Halyqaralyq shahmat federatsııasynyń (FIDE) prezıdenti
1987 jyly Máskeý qalasynda dúnıege kelgen. 2009 jyly K.E.Tsıolkovskıı atyndaǵy Reseı memlekettik tehnologııalyq ýnıversıtetin ekonomıst-menedjer mamandyǵy boıynsha bitirgen.
Eńbek joly: 2003 jyly amerıkalyq World Capital Investments ınvestıtsııalyq kompanııasynyń Máskeýdegi fılıalynda treıder qyzmetin atqardy. 2005 jyly «ıÝtreıd.rý» kompanııasynda jumys istedi. 2008-2021 jyldary «Frıdom Fınans» ınvestıtsııalyq kompanııasynyń negizin qalaýshy ári bas dırektory boldy. 2012 jyly Qazaqstanda «Frıdom Fınans» AQ enshiles brokerlik kompanııasyn ashty. 2015 jyly quramyna «Frıdom Fınans» ınvestıtsııalyq kompanııasy, «Frıdom Fınans» AQ, Freedom24 jáne «Frıdom Fınans» banki kiretin Freedom Holding Corp. holdınginiń negizgi aktsıoneri atandy. 2019 jyly Freedom Holding Corp. NASDAQ bırjasynda lıstıngten ótken TMD keńistigindegi alǵashqy qarjy uıymy boldy. 2022 jyly Freedom Holding Corp. Reseıdegi bıznesinen tolyqtaı shyqty. 2023 jyly Qazaqstan shahmat federatsııasynyń prezıdenti bolyp saılandy. 2024 jyly BUU Jahandyq shartynyń Ortalyq Azııadaǵy Konsýltatıvtik komıtetiniń tóraǵasy boldy.
