13 qańtar. Tulǵalar týǵan kún

ASTANA. QazAqparat – QazAqparat 13 qańtarǵa arnalǵan «Tulǵalar týǵan kún» kúntizbesin usynady.

ESІMDER

65 jyl buryn (1958) qazaqstandyq dıplomat, I sanattaǵy Tótenshe jáne Ókiletti Ýákil dárejesi bar Samat Islamuly ORDABAEV dúnıege keldi.

Almaty (burynǵy Taldyqorǵan oblysy) oblysynda týǵan. Qazaq aýyl sharýashylyǵy ınstıtýtyn bitirgen.

1980-1990 jyldary - V.I.Lenın atyndaǵy Búkilodaqtyq aýyl sharýashylyǵy ǵylymdary akademııasynyń Shyǵys bóliminde aspırant, kishi, aǵa ǵylymı qyzmetker.

1990-1992 jyldary - Qazaq ǵylymı tehnıkalyq aqparat ǵylymı zertteý ınstıtýtynyń bólim meńgerýshisi. 1992-1994 jyldary - Qazaq aýyl sharýashylyǵy ǵylymdary akademııasynyń ǵalym-hatshysy.

1994-1996 jyldary - QR Ǵylym jáne jańa tehnologııalar mınıstrliginiń basqarma bastyǵynyń orynbasary. 1996 jyly - QR-nyń TMD qatysýshy elderimen yntymaqtastyq jónindegi Memlekettik komıtettiń bólim bastyǵy. 1998-2000 jyldary - QR SІM úshinshi, ekinshi, birinshi hatshysy, bólim bastyǵy, basqarma bastyǵy.

2000-2003 jyldary - Qazaqstannyń Belarýstaǵy elshiliginiń keńesshisi. 2003-2004 jyldary - QR SІM TMD isteri komıteti tóraǵasynyń orynbasary.

2004-2005 jyldary - QR SІM TMD departamentiniń dırektory. 2005-2006 jyldary - QR-nyń Reseı Federatsııasyndaǵy elshiliginiń keńesshisi. 2006-2007 jyldary - TMD atqarý komıteti tóraǵasynyń orynbasary - atqarýshy hatshysy.

2007-2013 jyldary - QR-nyń Reseı Federatsııasyndaǵy elshiliginiń keńesshi-elshisi. 2013-2016 jyldary QR Syrtqy ister mınıstriniń orynbasary.

Qazaqstan Respýblıkasynyń Ýkraınadaǵy Tótenshe jáne Ókiletti Elshisi (2016-2020), Qazaqstan Respýblıkasynyń Moldova Respýblıkasyndaǵy Tótenshe jáne Ókiletti Elshisi qyzmetin qosa atqarýshy (2017-2020).

Medaldarmen, QR Prezıdentiniń Alǵys hatymen marapattalǵan.

52 jyl buryn (1971) Qazaqstan Respýblıkasy Qaýipsizdik Keńesiniń Áskerı qaýipsizdik jáne qorǵanys basqarmasynyń bastyǵyRýslanbek Keńesbekuly BEKJІGІTOV dúnıege keldi.

Baýyrjan Momyshuly atyndaǵy áskerı ýchılışeni bitirgen (1989); A.F. Mojaıskıı atyndaǵy áskerı-ǵarysh ınjenerlik akademııasy (1994); Quqyqtaný akademııasy – «Ádilet» joǵary zań mektebi (2002).

Eńbek joly: Áskerı-áýe kúshteriniń áskerı bólimderinde jáne Qazaqstan Respýblıkasy Qorǵanys mınıstrliginiń ortalyq apparatynda ártúrli laýazymdarda qyzmet etý (1994-1999); Qazaqstan Respýblıkasy Premer-Mınıstri Keńsesiniń qurylymdyq bólimshelerinde jaýapty qyzmetker (1999-2002); Qazaqstan Respýblıkasy Qaýipsizdik Keńesi apparatynyń qyzmetkeri (2002-2015); Qazaqstan Respýblıkasy Qaýipsizdik Keńesiniń Jalpy qaýipsizdik máseleleri basqarmasynyń basshysy (2015-2021).

2022 jyldyń mamyr aıynan bastap qazirgi qyzmetinde.

«Qurmet» ordenimen (2015); 13 mereıtoılyq jáne vedomstvolyq nagradalarmen marapattalǵan.