13 qańtar. Týǵan kún ıeleri
ESІMDER
61 jyl buryn (1958) Qazaqstan Respýblıkasynyń Ýkraınadaǵy Tótenshe jáne Ókiletti Elshisi, Qazaqstan Respýblıkasynyń Moldova Respýblıkasyndaǵy Tótenshe jáne Ókiletti Elshisi qyzmetin qosa atqarýshy (2017 jyldan) Samat Islamuly ORDABAEV dúnıege keldi.
Taldyqorǵan oblysynda týǵan. Qazaq aýyl sharýashylyǵy ınstıtýtyn bitirgen. 1980-1990 jyldary - V.I.Lenın atyndaǵy Búkilodaqtyq aýyl sharýashylyǵy ǵylymdary akademııasynyń Shyǵys bóliminde aspırant, kishi, aǵa ǵylymı qyzmetker. 1990-1992 jyldary - Qazaq ǵylymı tehnıkalyq aqparat ǵylymı zertteý ınstıtýtynyń bólim meńgerýshisi. 1992-1994 jyldary - Qazaq aýyl sharýashylyǵy ǵylymdary akademııasynyń ǵalym-hatshysy. 1994-1996 jyldary - QR Ǵylym jáne jańa tehnologııalar mınıstrliginiń basqarma bastyǵynyń orynbasary. 1996 jyly - QR-nyń TMD qatysýshy elderimen yntymaqtastyq jónindegi Memlekettik komıtettiń bólim bastyǵy. 1998-2000 jyldary - QR SІM úshinshi, ekinshi, birinshi hatshysy, bólim bastyǵy, basqarma bastyǵy. 2000-2003 jyldary - Qazaqstannyń Belarýstaǵy elshiliginiń keńesshisi. 2003-2004 jyldary - QR SІM TMD isteri komıteti tóraǵasynyń orynbasary. 2004-2005 jyldary - QR SІM TMD departamentiniń dırektory. 2005-2006 jyldary - QR-nyń Reseı Federatsııasyndaǵy elshiliginiń keńesshisi. 2006-2007 jyldary - TMD atqarý komıteti tóraǵasynyń orynbasary - atqarýshy hatshysy. 2007-2013 jyldary - QR-nyń Reseı Federatsııasyndaǵy elshiliginiń keńesshi-elshisi. 2013 jyly aqpannan - QR Syrtqy ister mınıstriniń orynbasary. Qazirgi qyzmetinde 2016 jyldyń sáýir aıynan. Medaldarmen, QR Prezıdentiniń Alǵyshatymen marapattalǵan.
48 jyl buryn (1971) Qazaqstan Respýblıkasy Qaýipsizdik Keńesiniń Qaýipsizdiktiń jalpy máseleleri bóliminiń meńgerýshisi Rýslanbek Keńesbekuly BEKJІGІTOV dúnıege kelgen.
Baýyrjan Momyshuly atyndaǵy Áskerı mektepti (1989), A.F.Mojaıskıı atyndaǵy Áskerı ınjenerlik-ǵarysh akademııasyn (1994), «Ádilet» Joǵary quqyq mektebi - Zań akademııasyn (2002) bitirgen.
Eńbek joly: Áskerı-áýe kúshteriniń áskerı bólimshelerinde jáne Qazaqstan Respýblıkasy Qorǵanys mınıstrliginiń ortalyq apparatynda túrli laýazymdarda qyzmet atqarǵan (1994-1999); Qazaqstan Respýblıkasy Premer-Mınıstri Keńsesiniń qurylymdyq bólimderinde qorǵanys jáne quqyqtyq tártip jónindegi jaýapty qyzmetker (1999-2002); Qazaqstan Respýblıkasy Qaýipsizdik Keńesiniń apparatynda jumys istedi (2002 jyldan bastap).
Qazirgi laýazymyn 2015 jylǵy maýsymnan beri atqaryp keledi.
«Qurmet» ordenimen (2015), 13 mereıtoılyq jáne vedomstvolyq nagradalarmen marapattalǵan.
46 jyl buryn (1973) Qazaqstan Respýblıkasynyń bas kólik prokýrory Maqsat Kerimbaıuly DÚISENOV dúnıege kelgen.
Ońtústik Qazaqstan oblysynda týǵan. 1996 jyly Ál-Farabı atyndaǵy Qazaq memlekettik ulttyq ýnıversıtetin, 2005 jyly T. Rysqulov atyndaǵy Qazaq ekonomıkalyq ýnıversıtetin, 2011 jyly Qazaq ulttyq ýnıversıtetin bitirdi.
Eńbek joly: Qapshaǵaı garnızony boıynsha QR Memlekettik tergeý komıtetiniń Bas áskerı-tergeý basqarmasy áskerı-tergeý bóliminiń tergeýshisi (1996-1997); tergeýshi, aǵa tergeýshi, asa mańyzdy ister jónindegi aǵa tergeýshi, Qapshaǵaı garnızony boıynsha QR ІІM áskerı-tergeý departamentiniń áskerı-tergeý bólimi basshysynyń orynbasary (1997-2000); QR MKM Salyq polıtsııasy komıtetiniń Bas tergeý basqarmasy tergeý bóliminiń ekonomıka salasynda qyzmet babyndaǵy qylmystardy tergeý boıynsha bólimniń aǵa tergeýshisi (2000-2001); QR Qarjy polıtsııasy agenttiginiń Tergeý jáne anyqtaý departamentiniń qarjylyq qylmystardy tergeý bólimniń asa mańyzdy ister jónindegi aǵa tergeýshisi (2001-2002); Qarjy polıtsııasynyń Almaty qalasy boıynsha departamenti Tergeý basqarmasynyń qarjylyq qylmystardy tergeý boıynsha 2 bóliminiń bastyǵy, Tergeý basqarmasy bastyǵynyń orynbasary (2002-2004); QR ESJKA (qarjy polıtsııasy) Tergeý departamentiniń Sybaılas jemqorlyq qylmystardy tergeý boıynsha bóliminiń bastyǵy - basqarma bastyǵynyń orynbasary (2004-2006); Atyraý oblysy boıynsha EQSJQKD bastyǵynyń orynbasary (2006-2008); Almaty qalasy boıynsha EQSJQKD bastyǵynyń orynbasary (2008-2009); Almaty qalasy boıynsha EQSJQKD bastyǵy (2009-2012); «Samuryq-Qazyna» ÝÁQ» AQ ortalyqtandyrylǵan qaýipsizdik qyzmetiniń basshysy (2013); Qazaqstan Respýblıkasy Qaýipsizdik Keńesi hatshylyǵynyń sektor meńgerýshisi, ınspektor (2013-2014); QR MQІSJQA Іshki qaýipsizdik basqarmasynyń basshysy (2014-2015); Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi Tóraǵasynyń keńesshisi (2015-2016); Sybaılas jemqorlyqqa qarsy is-qımyl ulttyq bıýrosynyń (Sybaılas jemqorlyqqa qarsy qyzmet) Іshki qaýipsizdik basqarmasynyń basshysy (2016); Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy is-qımyl ulttyq bıýrosy basshysynyń orynbasary (2016-2018); Bas kólik prokýrorynyń birinshi orynbasary (2018).
Qazirgi laýazymyn atqarýǵa 2018 jyldyń tamyzynda kiristi.
«Qurmet», ІІ dárejeli «Aıbyn» ordenderimen, «Qazaqstan Respýblıkasynyń Konstıtýtsııasyna 20 jyl», «Qazaqstan Respýblıkasynyń táýelsizdigine 20 jyl», «Qazaqstan Respýblıkasynyń táýelsizdigine 25 jyl» mereıtoı medaldarymen, sonymen qatar qarjy polıtsııasy organdarynyń jáne Sybaılas jemqorlyqqa qarsy qyzmetiniń marapattarymen marapattalǵan.
43 jyl buryn (1976) tanymal ánshi jáne aktrısa Karına ABDÝLLINA dúnıege keldi.
Almaty qalasynda týǵan. Qurmanǵazy atyndaǵy Qazaq memlekettik konservatorııasynyń fortepıano fakýltetin bitirgen (1998), pıanıst, kontsertmeıster, pedagog-mýzykant, kameralyq ansambldiń solısi. «Mıýzıkola» dýeti ánderiniń kóbisiniń mýzykasy men sózderiniń; «Arman qyz» óleń kitabynyń avtory. Satybaldy Narymbetovtiń «Mustafa Shoqaı» kórkem dramasyna túsken (Marııa). Qazaq, orys jáne aǵylshyn tilderin biledi. 1992 jyldyń mamyr aıynan beri - «Mıýzıkola» tanymal dýetiniń solısi.
«Big Apple Music 96» (Nıý-Iork) halyqaralyq tanymal mýzyka konkýrsy birinshi syılyǵynyń laýreaty. QR Prezıdenti qorynyń mádenıet salasyndaǵy 3 nomınatsııasy syılyǵynyń laýreaty: «Estrada-tsırk óneri»; «Ádebıet» («Arman qyz» óleńder jınaǵy úshin); «Kınematograf» («Mustafa Shoqaı» kınofılmindegi Marııa róli úshin, 2009).