13 qalada aýa sapasy nasharlaıdy

ASTANA. KAZINFORM – «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady.

Sınoptıkterdiń boljamy boıynsha, 29 qarashasynda aýanyń lastanýynyń qolaısyz meteorologııalyq jaǵdaılary Almaty, Astana, Aqtóbe, Óskemen, Semeı, Rıdder, Qaraǵandy, Temirtaý, Balqash, Jezqazǵan, Pavlodar, Kókshetaý jáne Petropavl qalalarynda kútiledi.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.