13 aqpanda elimizdiń birqatar oblysynda jel kúsheıip, boran soǵady
ASTANA. QazAqparat - Qazaqstannyń basym bóliginde búgin aýa raıy jaýyn-shashyndy, qarly-burqasyndy, tumandy bolady. Kóktaıǵaq bolyp, jel kúsheıedi. Bul týraly Qazgıdromet habarlady.
Almaty oblysynyń keı jerinde tuman túsip, jeldiń jyldamdyǵy 15-20 m/s-qa jetedi.
Pavlodar oblysynda keı jerlerde jel (15-20 m/s) kúsheıip, daýyl soǵady.
Aqmola oblysynda keı jerlerde jeldiń jyldamdyǵy 15-20 m/s bolady, tuman túsip, boran soǵady.
Qaraǵandy, Jambyl oblystarynda keı jerlerde tuman, kóktaǵaq bolady, jeldiń jyldamdyǵy 15-20 m/s.
OQO-nyń keı jerlerinde tuman túsedi, jel 15-20 m/s-qa deıin kúsheıedi.
Qyzylorda oblysynda tuman, kóktaıǵaq bolady dep kútilýde.
BQO, Mańǵystaý, Atyraý, Aqtóbe oblystarynda keı jerlerde tuman bolady.
Qostanaı oblysynyń keı jerlerinde túnde jáne tańerteń tuman, tańerteń jáne kúndiz 18 m/s jyldamdyqpen jel soǵady.
Soltústik Qazaqstan oblystarynyń keı jerlerinde tuman, kúndiz (15-20 m/s) jel bolady. Daýyl soǵýy yqtımal. ShQO-nyń keı jerlerinde kóktaıǵaq, 17-22 m/s jel, boran bolady.
