13 adamnyń ólimi: Almatyda shuǵyl jeli iske qosyldy

Búgin tańerteń hostelde bolǵan órtke baılanysty Almaty qalasynyń Tótenshe jaǵdaılar departamenti shuǵyl jelini iske qosty, dep habarlaıdy Kazinform.

Habarlasýǵa bolatyn telefon nomerleri:

- 8 727 278 20 83
- 8 727 278 20 84

Eske salaıyq, búgin tańerteń Almatyda bolǵan órt saldarynan 13 adam kóz jumdy, ekeýi aýrýhanaǵa jetkizildi. 59 adam shuǵyl evakýatsııalandy. 56-sy jaqyn mańdaǵy mektepke ýaqytsha ornalastyryldy.

Mundaǵy turǵyndardyń deni — shet memleketterdiń azamattary. Olar — stýdentter men jaldamaly jumysshylar.

Premer-Mınıstr Álıhan Smaıylovtyń ókimimen Almaty qalasyndaǵy hostelde bolǵan órttiń sebebin tekserý jáne onyń saldaryn joıý jónindegi Úkimettik komıssııa quryldy.

2Gis elektrondy anyqtamalyq servısine ornalastyrylǵan málimetke súıensek, hostelde turý bir orynǵa 2000 teńgeden bastalady, oryndar sany — 100-ge deıin.

Órt faktisi boıynsha qylmystyq is tirkeldi.

Almaty ákimi Erbolat Bosaev málim etkendeı kóz jumǵan 13 adamnyń deni – qazaqstandyqtar. «Qaıtys bolǵandardyń kóbi — qazaqstandyqtar. Bireýi — Ózbekstan azamaty, bireýi — Saha Respýblıkasynyń (RF) azamaty, qalǵandary — qazaqstandyqtar», - dedi ol.

«Almaty Hostel» Halyk Bank menshigindegi ǵımaratta ornalasqany anyqtaldy.