Órt bolǵan hosteldegi bir oryn quny 2000 teńgeden bastalǵan
Órt shyǵyp, 13 adam qaza bolǵan Almatydaǵy hostel qala ortalyǵyndaǵy Almaly aýdany, Ádı Sháripov kóshesi, 86 mekenjaıynda ornalasqan, dep habarlaıdy Kazinform.
«Almaty Hostel» dep atalatyn jataqhana terezeleri joq jertólede jasaqtalǵan. 2Gis elektrondy anyqtamalyq servısine ornalastyrylǵan málimetke súıensek, hostelde turý bir orynǵa 2000 teńgeden bastalady, oryndar sany — 100-ge deıin.
Almaty qalalyq Tótenshe jaǵdaılar departamentiniń basshysy Nurlan Atyǵaevtyń sózinshe, hostel 1,5 aı buryn ashylǵan. Munda kóbine Ózbekstan, Qyrǵyzstan, Pákistan elderiniń azamattary turǵan. Arasynda qazaqstandyqtar da bolǵan.
Mert bolǵan 13 adamnyń deni medıtsına ýnıversıtetinde oqıtyn sheteldik stýdentter bolǵany týraly aqparatty agenttik tilshisi naqtylap jatyr.
Eske salaıyq, búgin tańerteń Almatyda bolǵan órt saldarynan 13 adam kóz jumdy, ekeýi aýrýhanaǵa jetkizildi. 59 adam shuǵyl evakýatsııalandy. 56-sy jaqyn mańdaǵy mektepke ýaqytsha ornalastyryldy. Mundaǵy turǵyndardyń deni — shet memleketterdiń azamattary.
