13 adam Aqtaýdyń qurmetti azamaty atandy

Aqtaý qalasynyń 55 jyldyǵyna oraı ótkizilgen saltanatty jıynda oblys ákimi Eraly Toǵjanov oblys ortalyǵynyń áleýmettik-ekonomıkalyq damýy qarqynyna toqtaldy.

Qazirgi ýaqytta qala bıýdjeti 34 mlrd teńgege jetken. Jarty jylda qalanyń kásiporyndary 112,3 mlrd teńgeniń ónimin óndirgen. Negizgi kapıtalǵa salynǵan ınvestıtsııa kólemi 91,4 mlrd teńgeni qurady.

Aqtaýda shaǵyn jáne orta kásip­kerlik sýbektileriniń sany da  sa­ny ótken jyldyń sáıkes kezeńimen salystyrǵanda 11,2%-­ǵa ósip, 27,9 myńǵa jetken. Qalada tek ekonomıkalyq sala emes, sáýleti de jańa kelbetke ıe boldy. 55 jylda myńdaǵan qurylys nysany júrgizilip, jańa shaǵyn aýdandar boı kóterdi.

Bıyl qalada 319,4 myń sharshy metr turǵyn úı (56 úı) paıdalanýǵa berildi (3 156 páter).

Jıynǵa qatysqan oblys ákimi Eraly Toǵjanov turǵyndardy merekemen quttyqtady.

«Aqtaý - kúnnen kúnge sáýleti men kelbeti artyp kele jatqan kórikti shahar. Kaspıı mańy elderiniń xalyqaralyq sammıtine kelgen 5 eldiń delegatsııasy joǵary baǵa berdi. Bul-úlken maqtanysh», - dedi oblys ákimi.

Saltanatty jıynda 13 adamǵa «Aqtaý qalasynyń qurmetti azamaty» ataǵy berildi. Olardyń ishinde dástúrli ánshi Aıgúl Qosanova,  arheolog Andreı Astafev, eńbek ardageri jáne Aqtaý qalasynyń qurylysshysy Jaqsyǵalı Jakıev, Qazaqstannyń eńbek sińirgen ártisi, kúıshi Roza Aıdarbaeva, «Shalom» Evreı EKO-nyń jáne «Chernobyl» aımaqtyq odaǵynyń tóraǵasy ıÝrıı ıÝrıı Kerjbaým jáne taǵy basqalar bar.

Sondaı-aq,  Ulyqpan Joldasov, Tamara Asar syndy óner juldyzdary mereıtoılyq tósbelgilermen marapattaldy. «Aqtaýǵa kelgen saıyn tamsanamyn. 50 jylda el jańa demeı me, qandaı ózgeris! Men Aqtaýmen maqtanamyn. Halyqty osyndaı úlken merekemen quttyqtaımyn», - dedi Ulyqpan Joldasov.

Saltanatty jıyn óner juldyzdarynyń kontsertimen jalǵasty. Arnaıy kelgen Roza Rymbaeva qaýymǵa arnap án shyrqady.